+16 °С
Облачно
Ваҡиғалар
24 Июня , 18:00
Республика башҡорт милли кейемдәренә патент алды
Өфөлә уҙған III Бөтә Рәсәй балалар фольклориадаһының асылыу тантанаһында Федерация Советының фән, мәғариф һәм мәҙәниәт буйынса комитеты рәисе Лилиә Ғүмәрова Башҡортостан Премьер-министры Андрей Назаровҡа башҡорт милли кейемдәрен теркәү тураһындағы таныҡлыҡты тапшырҙы. Был ҡарар Роспатент тарафынан ҡабул ителде. Хәҙер улар ҙа, бал менән аттар кеүек үк, төбәк брендына әүерелде.
Республика башҡорт милли кейемдәренә патент алды
«Беҙҙең сюрпризыбыҙ бар. Туған республикабыҙ — төбәк брендтары буйынса лидерҙарҙың береһе. Башҡорт аты, шәле, балы дәүләттең һаҡлыҡ грамотаһын алды инде. Һәм бөгөн, Роспатенттың йөкләмәһе буйынса, башҡорт милли кейемдәрен теркәү тураһындағы таныҡлыҡты тапшырырға теләйем», – тине Лилиә Ғүмәрова.
