

Әлеге ваҡытта Өфөлә постаменттан алынған милли геройҙың һәйкәлен реставрациялау бара, тип иҫкә төшөрҙө ул. Апрель айында ҙур комиссия реставрация цехында булды.
– Реставраторҙар беҙгә һәйкәлдең 80% үҙгәртергә, яңы элементтар эшләргә кәрәк буласағын әйтте. Был йәһәттән беҙ уйландыҡ, унда металл бик юғары сифатлы түгел, – тип билдәләне республика Башлығы. – Шуға күрә фекер алышыу барышында мин йәмәғәтселеккә һәм республика халҡына тәҡдим иткән идея тыуҙы: беҙгә ҡатмарлыраҡ, әммә ышаныслыраҡ һәм, минеңсә, стратегик яҡтан отошлораҡ юл менән барырға – бронзанан ошондай уҡ яңы һәйкәл ҡойорға мөмкин. Был оҙаҡҡа етергә тейеш.
Элекке һәйкәлде реставрациялаһаҡ, ул 10, 20 йәки 50 йыл, ә бронза һәйкәл оҙағыраҡ торорға мөмкин, тип билдәләне Радий Хәбиров. Шулай уҡ республика Башлығы тарихи ҡомартҡының яҙмышын асыҡлыҡ индерҙе.
– Хәҙер реставрацияла булған һәйкәлде мотлаҡ реставрациялайбыҙ, – тип вәғәҙәләне Хәбиров һәм үҙенең хакимиәтенә Салауат Юлаев һәйкәлен бронзанан тергеҙеү планын төҙөргә ҡушты.