+13 °С
Дождь
Еңеүгә - 80 йыл
25 Марта 2025, 06:09
Башҡортостан Башлығы Керчь ҡушаматлы ат тураһында ижади проект эшләргә ҡушты
Башҡортостан Башлығы Керчь ҡушаматлы хәрби ат тураһында ижади проект эшләргә ҡушты. Ял көндәрендә ул Миәкә районына Бөйөк Ватан һуғышынан ҡайтҡан берҙән-бер аттың һәйкәлен ҡарарға барҙы.
Башҡортостан Башлығы Керчь ҡушаматлы ат тураһында ижади проект эшләргә ҡушты
— Мине 1941 йылдың декабрендә мобилизацияланып, 1947 йылда тыуған яғына ҡайтҡан легендар Керчь тураһында тарих хайран ҡалдырҙы. Берлинға барып еткән һәм тағы ике йыл хеҙмәт иткән, — тип уртаҡлашты Радий Хәбиров. — Мин телевидениеға һәм кинематографҡа дәүләт заказы бирҙем. Был аттың тарихы бик үҙенсәлекле. Әйҙәгеҙ, фильм төшөрәйек.
— Унда яныма бер ир килде, уның атаһы ла Керчь хужаларының береһе булған. Башҡаларҙан да һорашырға кәрәк. Барыһына ла тәҡдим итәм. Шәп һәйкәл, тирә-яғы таҙа, янында ғына мәктәп, ҡыуанып ҡайттым, — тине Радий Хәбиров.
