Радий Хәбиров Башҡортостан халҡын Республика көнө менән ҡотланы

– Миңә Башҡортостанда тыуыу бәхете тейҙе. Республикабыҙҙа үҫергә, йәшәргә һәм эшләргә.
Башҡортостаныбыҙ – ул күп быуатлыҡ тарих, үҙенсәлекле мәҙәниәт, үҙенсәлекле тәбиғәт. Көслө сәнәғәт һәм ауыл хужалығы. Фән һәм инновациялар. Даими алға барыу һәм юғарыраҡҡа ынтылыу.

Әммә беҙҙең төп байлығыбыҙ – бында йәшәгән кешеләр. Батыр геройҙар, ябай хеҙмәтсәндәр, талантлы артистар, шағирҙар, рәссамдар, спортсылар, ғалимдар.

Республика көнө менән, ҡәҙерле ватандаштар! Иң ҙур байлығыбыҙ – берҙәмлек. Бер төптән булһаҡ, бер һынау ҙа беҙҙе бөгә алмаҫ. Заман елдәренә бирешмәй, тағы ла көслөрәк була барырбыҙ.

Байрам менән! Тыуған еребеҙгә, татыу халыҡтарыбыҙға яҡты өмөтлө киләсәк теләйем, - тине Радий Хәбиров.