Өфөлә "Мең велосипедсы көнө" уҙҙы

Рәсәй Президенты Владимир Путиндың указы нигеҙендә барлыҡҡа килгән "Демография" милли проектының (национальный проект "Демография") "Спорт - йәшәү нормаһы" федераль программаһына ярашлы саралар йыш ойошторола. Бөгөн Өфө халҡы шуларҙың береһенә - “Мең велосипедсы көнө” 14-се ҡала фестиваленә йыйылды.

“Тәүге йылдарҙа беҙҙең байрамда мең тирәһе генә кеше ҡатнашҡайны, – тине Башҡортостандың Велосипедсылар союзы рәйесе Егор Лукша. – Һуңғы йылдарҙа килгәндәрҙең һаны утыҙ меңгә яҡын булып китте”.  

Бөгөн ун километрлыҡ маршрутты – Ленин майҙанынан Телеүҙәккә тиклем – 30 меңгә яҡын велосипедсы үтте. 

Велосипедсылар ярышы республикабыҙҙың башҡа ҡалаларында ла үтте.

Фото: https://s15.stc.yc.kpcdn.net/share/i/12/14528191/wr-960.webp