«Сәнғәт» тип исемләнгән яңы телеканал эшләй башлаясаҡ

Республикала «Сәнғәт» телеканалы эшләй башлаясаҡ

 Башҡортостанда Башҡортостан халыҡтары мәҙәниәте тураһында «Сәнғәт»  тип исемләнгән яңы художество-ағартыу телеканалы эшләй башлаясаҡ. Был хаҡта Рәсәйҙең традицион рухи - әхлаҡи ҡиммәттәрен һаҡлау һәм нығытыу буйынса дәүләт сәйәсәте нигеҙҙәрен тормошҡа ашырыу буйынса Башҡортостан Республикаһы Йәмәғәт палатаһының ваҡытлы эш төркөмө-комиссияһы ултырышында хәбәр иттеләр. Яңы телеканал төҙөүгә Президент мәҙәни башланғыстар фонды грантын «Башҡортостан» киностудияһы менән берлектә Башҡортостан Республикаһының заманса драматургия һәм режиссура үҙәге отто. «Яңы телеканалдың нигеҙ ташы булып илебеҙҙең мәҙәни һәм рухи ҡиммәттәрен һаҡлау тураһында Президент Указының эше торасаҡ. Киләһе йыл башында контентты әүҙем йыя башлаясаҡбыҙ һәм тест режимында эшләйәсәкбеҙ. Каналдың кабель тапшырыу селтәрҙәре лә, социаль селтәрҙәрҙә интернет-варианты ла буласаҡ. 2025 йылда рәсми асыу көтөлә, аныҡ датаны һуңғараҡ хәбәр итербеҙ», - тип билдәләне башҡортостан Республикаһының заманса драматургия һәм режиссура үҙәгенең художество етәксеһе Зиннур Сөләймәнов. Каналдың төп контенты Башҡортостан Республикаһында профессиональ һәм үҙешмәкәр коллективтар, шул иҫәптән мәҙәни-тарихи үҙәктәр, республикабыҙҙа йәшәгән төрлө халыҡтарҙың мәҙәни үҙәктәре үткәргән мәҙәни ваҡиғаларға һәм сараларға арналасаҡ. Шулай уҡ патриотик тапшырыуҙар трансляциялау планлаштырыла.

Сығанаҡ: https://kulturarb.ru/ru/news/v-respublike-nachnet-rabotu-novyj-telekanal-sangat