Рәмил Ғәйзуллин Ҡаҙағстанда булып ҡайтты

Рәмил Ғәйзуллин ҡаҙаҡ композиторы Морат Осҡонбайулы исемендәге халыҡ-ара халыҡ музыка ҡоралдарында башҡарыусылар конкурсында Рәсәй исеменән сығыш яһаны. Конкурс 10-14 декабрҙә Ҡаҙағстандың Аҡтау ҡалаһында үтте. Унда Әзербайжан, Ҡырғыҙстан, Үзбәкстан, Ҡаҙағстан һәм Рәсәйҙән 125 музыкант ҡатнашты. Кандидаттар үҙҙәренең оҫталығын түбәндәге номинацияларҙа күрһәтте: думбыра, домра-прима, шертер, ҡумыҙ һб. Жюри составына Ҡаҙағстандың атҡаҙанған эшмәкәрҙәре, халыҡ-ара конкурстар лауреаттары, мәҙәниәт отличниктары һәм профессорҙар ингәйне. Рәсәйҙең - атҡаҙанған, Башҡортостан Республикаһының халыҡ артисы, ҡурайсы, мультиинструменталист Рәмил Ғәйзуллин Рәсәйҙән саҡырылған жюри ағзаһы булды "Бындай абруйлы сараға үҙ өлөшөмдө индерә алыуым өсөн шатмын. Конкурста ҡатнашҡан йәш музыканттарҙың таланты илһамландыра, һәм был сараның уларҙың ижад юлында этәргес көс булыуына ышанам», - тине  Рәмил Ғәйзуллин. Конкурс тамамланғандан һуң Рәмил  Ғәйзуллин гала-концертта сығыш яһаны, тамашасыларҙы ҡурайҙа уйнау оҫталығы менән таң ҡалдырҙы. Данлыҡлы яҡташыбыҙ  киләһе йылда Аҡтау оркестры менән Астана һәм Алматыла сығыш яһарға саҡырыу ҙа алды.

Сығанаҡ: https://www.bashinform.ru/news/culture/2024-12-16/ramil-gayzullin-predstavil-rossiyu-na-mezhdunarodnom-konkurse-4054328