-5 °С
Болотло
Бөтә яңылыҡтар
Новости
4 Декабрь , 11:59
Ҡурайсылар ансамбленә нисек эләгергә мөмкин
Радий Хәбиров Башҡортостан Башлығы менән тура бәйләнеш барышында Дәүләт ҡурайсылар ансамбленә нисек эләгергә мөмкин икәнлеге хаҡында ла һөйләне. Өфө ҡалаһының 7-се балалар музыка мәктәбе уҡыусыһы Данил Никитин тура эфирҙа башҡорт телендә уға ошондай һорау бирҙе. Йәш ҡурайсы балалар ансамбле менән бергә республика етәксеһе һәм тамашасылар өсөн уйнап та күрһәтте. Уларҙың коллективы яңыраҡ Дәүләт ансамбле менән таныштырыу сараһында ҡатнашҡан икән.
Ҡурайсылар ансамбленә нисек эләгергә мөмкин
– Ҡурайҙа уйнау бик яҡшы, тимәк, шәхес гармониялы үҫешә. Улар республикабыҙҙың сәнғәт училищеларында уҡый ала, сәнғәт институтында ла бүлек бар, унда юғары белем алырға мөмкин. Ошо юлдарҙы үтергә, үҙеңә ышанырға кәрәк һәм шул саҡта барыһы ла тормошҡа ашыр. Данил Никитиндың бөтә мөмкинлектәре бар, – тине Радий Хәбиров һәм Данилды башҡорт телендә таҙа һөйләшкәне өсөн маҡтаны.
Хәтерегеҙгә төшөрәбеҙ, һүҙ 2024 йылда ойошторолған Дәүләт ҡурайсылар ансамбле тураһында бара, уның етәксеһе – билдәле музыкант, Башҡортостандың халыҡ артисы һәм Рәсәйҙең атҡаҙанған артисы Азат Айытҡолов.
- Ҡурайсылар ансамбле күптән кәрәк ине. Беҙ уны иртәнән кискә тиклем концерттар бирһен өсөн генә түгел, ә ҡурайҙы, сәнғәтте үҫтереүҙә, шул иҫәптән йәштәребеҙ өсөн төп йүнәлеш булып сығыш яһаһын өсөн ойошторҙоҡ, - тип билдәләне Радий Хәбиров.
Читайте нас:
© 2024 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477
Телефон
(347)292-77-64
Электрон почта
Адресы
450079, Республика Башкортостан, г. Уфа, ул. 50-летия Октября, 13, каб. 612