#элек_хәҙер_Башҡортостан

Мәҙәниәт усағында хәҙер иркен тамаша залы, музей, китапхана һәм түңәрәктәр өсөн бүлмәләр бар. Бер ҡыйыҡ аҫтында шулай уҡ яңы велосипед тренажерҙары һәм йүгереү юлы менән йыһазландырылған спорт залы, фельдшер-акушерлыҡ пункты ла урынлашҡан.

Ижади коллектив халыҡты яңы саралар һәм концерттар менән ҡыуандыра. Сәхнә өсөн яңы кейемдәр ҡайтарылған, юбилярҙарҙы хөрмәтләү йолаһы ла тергеҙелә. Мәҙәниәт йортонда ойошторолған барлыҡ саралар ҙа халҡыбыҙҙың ғөрөф-ғәҙәттәрен һаҡлауға йүнәлтелгән.

«Мәҙәниәттең сиктәре юҡ. Кешеләрҙең гражданлығына, милләтенә, диненә ҡарамай, уларҙы берләштереүсе ҡорал», – тип билдәләгәйне Башҡортостан Башлығы 2021 йылдың майында «АРТ-Ҡоролтай» мәҙәни форумында. Был фекер бөгөн дә көнүҙәклеген юғалтмай.

Ҡоръятмаҫ ауылының мәҙәниәт усағында эштәр «Мәҙәниәт» милли проекты ярҙамында башҡарылған. Һуңғы биш йылда республикала барлығы 98 мәҙәниәт объекты төҙөлгән һәм капиталь ремонтланған. 2024 йылда тағы 15 объектта ошондай эштәр планлаштырыла.

#национальныепроекты #миллипроекттар #нацпроекты #нацпроектыБашкортостан #Башҡортостандыңмиллипроекттары