Төбәк етәксеһе Башҡортостан халҡын Салауат Юлаевтың юбилейы менән ҡотланы һәм республика мәҙәниәтен һаҡлауға һәм үҫтереүгә өлөш индергән өсөн дәүләт наградалары тапшырҙы.
“Салауат Юлаев Башҡортостан өсөн айырыуса әһәмиәткә эйә. Ул рух, илһөйәрлек һәм ҡаһарманлыҡ символы булып тора, – тине Радий Хәбиров. – Салауат Юлаевтың исеме менән башҡорт яугирҙәре 1812 йылда Парижға йүнәлгән, Бөйөк Ватан һуғышында еңгән. Бөгөн дә Салауат тоҡомдары махсус хәрби операция сиктәрендә илебеҙҙе батырҙарса һаҡлай. МХО биләмәһендә Салауат Юлаев исемендәге ике батальон һуғыша. Беҙ үҙ яугирҙәребеҙгә ярҙам итеү өсөн берләштек. Һеҙгә шуның өсөн ҙур рәхмәт. Барығыҙҙы ла ысын йөрәктән байрам менән ҡотлайым”.