Иң яҡшы йәш баянсылар ҡайҙа?

Белгестәр әйтеүенсә, иң яҡшыларҙы һайлау йылдан-йыл ҡатмарлаша бара.

Өфө музыка мәктәптәренең бер юлы ике уҡыусыһы “Виват, баян!" XXI халыҡ-ара конкурсы еңеүселәре иҫәбенә инде. Ул 18-22 сентябрҙә Һамарҙа уҙҙы һәм Бөтә Рәсәйҙән һәм донъянан 100-ҙән ашыу йәш музыкантты йыйҙы.

Белгестәр әйтеүенсә, иң яҡшыларҙы һайлау йылдан-йыл ҡатмарлаша бара.

"Конкурстың йылдан-йыл үҫешеүен үҙ күҙҙәрем менән күрәм. Уның төп бурысы - йәш яңы таланттарҙы эҙләү. Миңә сағыштырырлыҡ нәмәләр бар. “Виват, баян!" конкурсының был йәһәттән башҡаларҙан айырмалылығы шунда: йыл һайын беҙ яңы йондоҙсоҡтар асабыҙ, уларҙың күбеһе эстрадала һәм баян-аккордеон сәнғәте педагогикаһында әһәмиәтле исемдәргә әйләнде», - тип һыҙыҡ өҫтөнә алды жюри ағзаһы Владимир Орлов.

Быйыл Нариман Сабитов исемендәге 1-се балалар музыка мәктәбенән Булат Мишаров конкурста беренсе тапҡыр ғына ҡатнашмай. 2022 йылда баянсы «Бәләкәй классика-2» номинацияһында II дәрәжә лауреат була, быйыл ул үҙенең йәш категорияһында беренсе була.

Өфөнән тағы бер ҡатнашыусы-15-се балалар музыка мәктәбенән Вилдан Хөрмәтуллин «Бәләкәй классика-1» номинацияһында II премияға лайыҡ булды. Ул Гнесиндар исемендәге (Мәскәү ҡалаһы) Рәсәй музыка академияһының музыка мәктәбе баянсыһынан аҙ ғына ҡалыша.

Ике йәш музыкант та баян класы буйынса бер уҡытыусы – Айнур Искәндәровта уҡый.

Йыш ҡына балаларҙың уңышлы сығыштарының сере нимәлә тип һорайҙар. Ә барыһы ла ябай: улар үҙ ҡоралдарын бик ярата һәм көн һайын, ял көндәрһеҙ, өс сәғәттән ашыу шөғөлләнә, сәхнәне ярата. Булат менән Вилдан күршелә йәшәй, бер-береһенән өйрәнә. Конкурс процесы һәм уларҙың мөнәсәбәте туғандарса! - тип уртаҡлашты педагог.

Конкурс сиктәрендә бөтә ҡатнашыусылар ҙа жюри ағзаларынан - билдәле музыканттарҙан һәм баян музыкаһы донъяһы педагогтарынан - Фридрих Липс, Мария Власова, Әбүзәр Фәйзуллин, Алла Кац, Юрий Солаев һәм Владимир Орловтан оҫталыҡ дәрестәре алды.

“Виват, баян!” конкурсы донъя баянсылар һәм аккордеонсыларының “Донъя трофейы” һәм “Донъя кубогы” ярыштарына һайлап алыу этабы булып тора. Уның нигеҙ һалыусыһы - Рәсәйҙең атҡаҙанған артисы, билдәле музыкант, йырсы һәм композитор, «Баян микс» дуэтына нигеҙ һалыусы - Сергей Войтенко.