Ҡөрьән сүрәләрен яттан белһәң, конкурсҡа рәхим ит!

Мәүлит Ямалетдинов эшкәртеүендә Ҡөрьәндән мөнәжәт, нәсихәт һәм сүрә башҡарыусыларҙың VIII Төбәк-ара конкурсында ҡатнашыуға ғаризалар ҡабул ителә. Проект педагог һәм остаз йылына, кесе Ватан өсөн файҙалы эштәр йылына арналған һәм башҡорт халҡының һирәк башҡарылған милли мәҙәниәте жанрын һаҡлауға һәм артабан үҫтереүгә, үҫеп килеүсе быуындың тәрбиәүи процесында мөнәжәт, нәсихәт һәм Ҡөрьән сүрәләрен ҡулланыуға йүнәлтелгән.

Конкурста 17 йәшкә тиклемге, 18 йәштән өлкән коллектив һәм яңғыҙ башҡарыусылар үҙ көсөн һынап ҡарай ала.

Сара 22 сентябрҙә Сибай ҡалаһының балалар ижады үҙәгендә уҙа.

Шулай уҡ «мөнәжәт һәм нәсихәттең үҫеп килеүсе быуынды тәрбиәләүгә йоғонтоһо» темаһына түңәрәк өҫтәл ойоштороласаҡ. Ҡатнашыуға ғаризаларҙы 20 сентябргә тиклем электрон адресҡа ебәрергә мөмкин [email protected]

Конкурсты ойоштороусылар: Республика халыҡ ижады үҙәге, Сибай ҡалаһы ҡала округы хакимиәте.

https://kulturarb.ru/ru/news/nachat-priem-zayavok-na-uchastie-v-mezhregionalnom-konkurse-ispolnitelej-munazhat-nasihat-i-sur-iz-korana