«Кейеҙфест»

Өфө хакимиәтенең мәҙәниәт һәм сәнғәт буйынса бүлегенән хәбәр итеүҙәренсә, күмәк кеше тарафынан баҫылған кейеҙ балаҫ 24 сентябрҙә Өфөлә «Кейеҙфест» фестивален ябыу тантанаһында күрһәтеләсәк. 4 – 6 ноябрҙә ул Санкт-Петербургта үткән «Новая жизнь традиций» халыҡ-ара арт-кейеҙ күргәҙмәһенә ҡуйыласаҡ.

Сарала ҡатнашыуға биҙәү-ҡулланма сәнғәте оҫталары һәм рәссамдар саҡырыла. Ғаризалар 31 авгусҡа тиклем vojlokfest@mail.ru электрон почтаһына йә 8 987 242 37 39 (ватсап) телефон һандары буйынса ҡабул ителә.

14 сентябргә тиклем ижади эштәрҙең төп нөсхәләре «Ижад» күргәҙмә залына тапшырылырға тейеш (Космонавтар урамы, 22).

Арт-симпозиум «Кейеҙфест» II Республика асыҡ художестволы кейеҙ фестивале барышында ойоштороласаҡ. Фестиваль Өфөнөң 2-се балалар художество мәктәбе һәм М. Нестеров исемендәге Башҡорт дәүләт художество музейы тарафынан үткәрелә.

https://www.bashinform.ru/news/culture/2023-08-14/v-ufe-sozdadut-bolshoy-voylochnyy-kover-3387925

Ләйлә Аралбаева