+20 °С
Облачно
Новости
9 Июня 2023, 05:30
"Салауат йыйыны" - 2023
10 июндә Салауат районында «Һабантуй» халыҡ байрамы сиктәрендә «Салауат йыйыны» республика фольклор байрамы үткәрелә. Сара башҡорт халҡының милли батыры Салауат Юлаевтың тыуыуына 269 йыл тулыуға арнала. Проект йәш быуында үҙ халҡына, тарихи үткәндәргә һөйөү, милли ғорурлыҡ тойғоһо тәрбиәләүгә йүнәлтелгән. Сара программаһында:
Иртәнге 9-ҙан төшкө 1-гә тиклем - Салауат Юлаев исеме менән бәйле иң яҡшы сувенир продукцияһына «Оран» республика конкурсы;
Башҡорт күпбәйгеһе буйынса «Салауат бәйгеһе» асыҡ турниры;
Көндөҙгө сәғәт 1-се яртыла «Беҙ - Салауат тоҡомо» республика конкурсы барышында егеттәр араһында - «Салауат батыры», ҡыҙҙар араһында «Йөҙөк ҡашы - Зөләйха» конкурстары уҙғарыла;
11 тула 20 минуттан 12-гә тиклем - Һабантуйҙы асыу тантанаһы;
1-се яртынан 2-гә тиклем – Башҡортостандың мәҙәниәт учреждениелары белгестәре араһында «Ялҡын» вокал сәнғәте асыҡ конкурсы.
Быларҙан тыш, байрам ҡунаҡтарын һәм ҡатнашыусыларҙы ат сабыштары, «Көрәш» бәйгеһе, спорт һәм халыҡ уйындары көтә.
Ойоштороусылар: Башҡортостан Республикаһының Мәҙәниәт министрлығы, Республика халыҡ ижады үҙәге, Салауат районы муниципаль район хакимиәте, «Girzamusic» продюсерлыҡ үҙәге.
"Салауат йыйыны" - 2023
