-21 °С
Болотло
75 лет Победы
Бөтә яңылыҡтар
Новости
18 Май 2023, 15:00

Мәләүездә шағир һәм журналист Ғәли Ильясов исемендәге ҡурайсылар конкурсы үтте

Мәләүездең «Яугир» хәрби-патриотик клубы ойошторған сара Өфөнән, Салауаттан, Ишембайҙан, Мәләүездән һәм Башҡортостандың яҡын райондарынан йәш башҡарыусыларҙы, башҡорт халыҡ музыкаһын һөйөүселәрҙе йәлеп итте.

Мәләүездә билдәле башҡорт шағиры, яҙыусы һәм журналист Ғәли Ильясов исемендәге ҡурайсылар конкурсы ойошторолдо. Башҡарыусыларҙы жюри баһаланы, улар араһында күренекле шәхестең ҡыҙы — Башҡортостандың атҡаҙанған артисы, Башҡорт дәүләт филармонияһы солисы Сәйҙә Ильясова ла бар ине. Был хаҡта «Башинформ»ға Бөтә донъя башҡорттары ҡоролтайының матбуғат хеҙмәтенән хәбәр иттеләр.

Мәләүездең «Яугир» хәрби-патриотик клубы ойошторған сара Өфөнән, Салауаттан, Ишембайҙан, Мәләүездән һәм Башҡортостандың яҡын райондарынан йәш башҡарыусыларҙы, башҡорт халыҡ музыкаһын һөйөүселәрҙе йәлеп итте.

— Конкурстың үҙенә иғтибар йәлеп итеүенә шатбыҙ. Ойошманың төп бурыстарының береһе — көслө һәм сыҙамлы, үҙ мәҙәниәтен һәм тамырҙарын хөрмәт иткән күп яҡлы шәхес тәрбиәләү, — тип һөйләй «Яугир» клубы рәйесенең мәҙәниәт һәм илһөйәрлек рухында тәрбиәләү буйынса урынбаҫары Илһам Яҡупов.

Сараға ҡурайсылар династияһы ла килгәйне. Гран-приҙы Салауат ҡалаһынан В. Спиваковтың Йәш таланттар музыка мәктәбе тәрбиәләнеүсеһе Айрат Тимеров яуланы, ә уның атаһы Вәсил Тимеров башҡа йәш ҡурайсыларҙың атайҙары менән менән ярышты. Бүләктәрҙең береһен үҙ категорияһында Б.Ғайсин исемендәге Талбазы музыка мәктәбе уҡыусыһы Батырхан Ғайсин алды, ә уның атаһы Фәим Ғайсин икенсе дәрәжә лауреат булды.

https://www.bashinform.ru/news/culture/2023-05-16/v-bashkirii-proshel-konkurs-kuraistov-imeni-poeta-i-zhurnalista-gali-ilyasova-3260361

https://bash.bashinform.ru/news/culture/2023-05-17/bash-ortostanda-sha-ir-m-zhurnalist-li-ilyasov-isemend-ge-uraysylar-konkursy-tte-3260783

 

 

Мәләүездә шағир һәм журналист Ғәли Ильясов исемендәге ҡурайсылар конкурсы үтте
Мәләүездә шағир һәм журналист Ғәли Ильясов исемендәге ҡурайсылар конкурсы үтте
Автор:
Читайте нас в