Йәш конкурсанттар үҙ эшенең оҫталары етәкселегендә үҙҙәренең иң яҡшы номерҙарын әҙерләгән. Конкурсҡа Башҡортостандың төрлө төбәктәренән ҡатнашыусылар килде. Сәхнәлә фестиваль Гран-приһы  өсөн һәр бейеү категорияһында етди ярыштар барҙы. Сарала ҡатнашыусыларҙы БР халыҡтары Ассамблеяһы Рәйесе, РӘСӘЙ ФӘНДӘР АКАДЕМИЯҺЫ ӨФӨ ФЕДЕРАЛЬ ТИКШЕРЕНЕҮ ҮҘӘГЕНЕҢ тарих, тел һәм әҙәбиәт Институты директоры Зөһрә Рәхмәтуллина сәләмләне. Ул конкурсанттарға ижади еңеүҙәр һәм сағыу тәьҫораттар теләне:

- Бөгөнгө фестиваль балаларыбыҙҙың талантлы булыуын тағы бер тапҡыр иҫбатланы. Ата — әсәләрегеҙгә һәм остаздарығыҙға бейеүгә һөйөү тәрбиәләгәнегеҙ өсөн ҙур рәхмәт, - тине Зөһрә Йыһанур ҡыҙы.

Фестиваль йомғаҡтары буйынса "Сәфәр" Өлгөлө хореография ансамбле (Туймазы ҡалаһы, Башҡортостан Республикаһы) III дәрәжә лауреат исеменә лайыҡ булды. II дәрәжә лауреаттары - "Ҡояш" Халыҡ хореография театр-студияһы (Стәрлетамаҡ ҡалаһы, Башҡортостан Республикаһы). I дәрәжә Лауреаттары - «Салауат» Өлгөлө бейеү академияһы (Өфө ҡалаһы, Башҡортостан Республикаһы) һәм «Мираҫ» халыҡ бейеү ансамбле (Яңауыл ҡалаһы, Башҡортостан Республикаһы). Төп бүләк-фестивалдең Гран-приһы-Башҡортостан Республикаһының Ҡырмыҫҡалы ауылына юлланды. Уның хужаһы - «Далан» Өлгөлө хореография ансамбле (етәкселәре-Артур Һәм Альбина Юлыевтар). Коллектив 100 мең һумлыҡ сертификат алды. «Дуҫлыҡ иле биҙәктәре» асыҡ Республика балалар халыҡ хореографияһы фестиваль-конкурсын Ойоштороусылар булып Башҡортостандың мәҙәниәт мнистрлығы һәм «Башҡортостан» дәүләт концер залы  сығыш яһаны.