Өфөлә Вахтангов театры гастролдәре

Ижад фантазияң киң булһа, мөмкин икән!.. 3 бүлектән торған 5 сәғәт эсенә төп идея-фәлсәфәне, роман фекерен сағыу һыйҙырғандар!
Наташа Ростова, Соня, Андрей Болконский, Пьер Безухов тап ошо Вахтангов театры актерҙары уйнағанса күңелдә оҙаҡ һаҡланыр! Романда 500-ҙән артыҡ герой - персонаж! Ана шул масштабты 40-лап ҡына кеше, минималь декорация менән, әммә ҡөҙрәтле музыка ярҙамында оҫта яҡтыртты. Үәт режиссер таланты! Актерҙар баш эйгән мәлдә "Лев Толстой үҙе" килеп сыҡҡас, ҡул сабыуҙар, "Браво" һөрәнләүҙәр тағы ла көсәйҙе. Был да үҙенә күрә - көтөлмәгән эффектлы алым.
Ошо театрҙа мин бала саҡтан яратҡан киноактер Василий Лановой уйнағайны. "Офицеры" фильмы үҙе ни тора! Әле Рәсәйҙең халыҡ артисы Евгений Князев эшләп йөрөй. Ул 20-се быуаттың гениаль шәхесе, күрәҙәсе Вольф Мессинг образын күптән түгел кино аша халыҡҡа еткергәйне. Бына әле уның үҙен күреү бәхете тейҙе. Шулай уҡ талантлы Владимир Симонов та уйнаны.
Театр директоры Кирилл Крок һәм беҙҙең Мәҙәниәт министры Әминә Шафиҡова әйтеүенсә, ижади бәйләнештәр дауам итәсәк. Бирһен Хоҙай!

8 апрелдән 13-нә тиклем Өфөлә Евгений Вахтангов исемендәге дәүләт академия театры гастролдәре үтә. Көн элгәре Башҡортостандың дәүләт академия рус драма театрында Мәҙәниәт министры Әминә Шафиҡова, Евгений Вахтангов исемендәге театр директоры, атҡаҙанған сәнғәт эшмәкәре Кирилл Крок, Рәсәйҙең халыҡ артисы Евгений Князев һәм театрҙың йәш артистары Юрий Поляк, Денис Самойлов, Ксения Трейстер ҡатнашлығында матбуғат конференцияһы үтте.

2016 йылда Өфөлә Е.Вахтангов исемендәге театрҙың тәүге гастролдәре үтә. Был юлы коллектив Башҡортостандың баш ҡалаһына алты спектакль алып килде. Күргәҙмәгә билеттар һатыуҙың беренсе аҙнаһында уҡ һатып алына. Башҡортостан Республикаһының Мәҙәниәт министры Әминә Шафиҡова билдәләүенсә, данлыҡлы Мәскәү театрының килеүе Өфөнөң 450 йыллығына бүләк булды, ул киләһе – 2024 йылда билдәләнәсәк.

- Федераль йондоҙҙар һәм коллективтарҙың гастролдәре кеүек бер нисә ҙур проект Өфөнөң 450 йыллығына тәүге юбилей саралары булып тора. Февралдә беҙҙә "Владимир Спиваков саҡыра..." фестивале үтте, хәҙер Евгений Вахтангов исемендәге театр гастролдәре бара, май айында Денис Мацуев фестивален көтәбеҙ, киләһе йылда Ҙур театрҙың солистарын ҡабул итәсәкбеҙ, – тип һөйләне Әминә Шафиҡова.

Евгений Вахтангов исемендәге театрҙың Өфөләге гастролдәре Росконцерт тормошҡа ашырған «Ҙур гастролдәр» федераль программаһы, шулай уҡ Башҡортостан Республикаһы Башлығы Радий Хәбиров ярҙамында мөмкин булды. Тамашалар ике майҙансыҡта – БР дәүләт академия рус драма театрында һәм Өфө «Нур»дәүләт татар театрында бара.

– Өфө тамашасылары спектаклдәрҙе Мәскәүҙә барған художестволы һәм техник кимәлдә күрһен өсөн барыһын да эшләйбеҙ, – тип һыҙыҡ өҫтөнә алды театр директоры Кирилл Крок. – Мәҫәлән, Рус драма театрында «Һуғыш һәм солох» спектаклен уйнау өсөн сәхнәне ҡороусыларға декорациялар һәм ҡорамалдар менән ике фураны бушатырға тура килде. Тауыш һәм яҡтылыҡ ҡорамалдарын ҡуртымға алабыҙ. Сәхнәне ҡороусылар быларҙың барыһын да йыйыр, тоташтырыр һәм көйләр өсөн тәүлек буйына театрҙан сыҡмай,.

Театрҙың гастролдәре Лев Толстой романы буйынса «Һуғыш һәм солох» һәм Тимур Кибировтың "Генерал һәм уның ғаиләһе" спектаклдәренән башлана. Әгәр "Һуғыш һәм солох" беҙҙең сикһеҙ ил буйлап йөрөүен дауам итһә, был ауыр ваҡытта кешеләргә «Ватан» һәм «Рәсәй» һүҙҙәренең мәғәнәһен яҡшыраҡ аңларға ярҙам итһә, "Генерал һәм уның ғаиләһе" спектакле өсөн был тәүге гастролдәр була. Алты спектаклдең һәр береһе икешәр көн бара, был Өфө тамашасыларына уларҙың береһен дә ҡалдырмаҫҡа мөмкинлек бирә.

- Өфөгә әлегә күрһәтелмәгән әйберҙәр килтерелде. Төрлө жанрҙағы төрлө художестволы концепциялы постановкаларҙы һайлап алдыҡ. Мәҫәлән, «Һуғыш һәм солоҡ» күләмле биш сәғәтлек постановканан һуң 20 йыл тиерлек барған «Мадмуазель Нитуш» опереттаһын күрһәтәбеҙ, – тип һөйләне театр етәксеһе.

Рәсәйҙең халыҡ артисы Евгений Князев Өфө тамашасыларының йылы ҡабул итеүен һәм ыңғай яуап биреүен билдәләне.

- Бөгөн мин урам буйлап йөрөнөм, кешеләр яныма килде һәм "Һуғыш һәм солох" спектакле өсөн ихлас рәхмәт белдерҙе. Тетрәнеү һәм хис-тойғолар төн буйына тынғы бирмәне, тип һөйләнеләр, - тип уртаҡлашты Евгений Владимирович. Испан шағиры һәм драматургы Федерико Гарсия Лорка әйтеүенсә, театр – ул шул тиклем ҙур әһәмиәткә эйә булған институт, ул бер миҙгелдә милләтте берләштерә һәм, әгәр театрҙың алтаҡтаһында «СӘНҒӘТ» яҙылһа, уны күтәрә ала. Шулай уҡ ул, әгәр театрҙың ҡанаттары урынына тояҡтар үҫһә, ул милләтте боҙоуы ихтимал, тип әйтә. Мин театрҙың милләтте тәрбиәләүе, күтәреүе яҡлы.

Вахтангов театрының килеүе һәр ваҡыт әһәмиәтле ваҡиға. Алда Өфө халҡын һәм ҡунаҡтарын яратҡан актерҙар менән ҡыҙыҡлы һәм сағыу осрашыуҙар көтә. 10 һәм 11 апрелдә БР дәүләт академия рус драма театры сәхнәһендә «Мадмуазель Нитуш» спектакле, 12-13 апрелдә «Ел тирәктә шаулай» спектакле күрһәтеләсәк. «Нур» театрында «Бөйөк Ромул» һәм «Беҙҙең класс» спектаклдәрен ҡарарға мөмкин.

https://kulturarb.ru/ru/news/amina-shafikova-gastroli-teatra-vahtangova-podarok-k-yubileyu-ufy