+33 °С
Ясно
Новости
5 Апреля 2023, 08:00
Республикала Шәйехзада Бабич исемендәге дәүләт йәштәр премияһына эштәр ҡабул ителә
2023 йылдың 3 апреленән 1 июленә тиклем Шәйехзада Бабич исемендәге республика дәүләт йәштәр премияһына конкурс материалдары ҡабул ителә. Был премия 2021 һәм 2022 йылдарҙағы әҙәбиәт, сәнғәт һәм архитектура өлкәһендәге хеҙмәттәр өсөн тапшырыла, тип хәбәр иттеләр «Башинформ»ға Башҡортостан Республикаһының Йәштәр сәйәсәте буйынса дәүләт комитетынан.
Премиялар менән бүләкләүҙең төп маҡсаты — Башҡортостан Республикаһының мәҙәниәтен һәм сәнғәтен үҫтереүгә ҙур өлөш индергән йәш яҙыусыларҙы, рәссамдарҙы, артистарҙы, музыканттарҙы, архитекторҙарҙы һәм режиссерҙарҙы бүләкләү.
Премияға шәхсән дә, авторҙар коллективы ла (5 кешегә тиклем) дәғүә итергә мөмкин. Уларҙың йәше 35-тән артмаҫҡа тейеш.
Премия тураһында положение һәм әҫәрҙәргә, эштәргә талаптар Башҡортостан Республикаһының министрҙар кабинеты ҡарарында күрһәтелгән. Материалдар эш көндәрендә иртәнге сәғәт 9-ҙан киске 6-ға тиклем Өфө ҡалаһы, Аксаков урамы, 2 адресы буйынса ҡабул ителә. Йәштәрҙең башланғыстарына булышлыҡ итеү бүлегенең әйҙәүсе белгесе Диана Айрат ҡыҙы Исмәғилева менән бәйләнешкә сығырға мөмкин, тел. +7 927 306-82-73, эл. почта Ismagilova.DA@bashkortostan.ru.
Республикала Шәйехзада Бабич исемендәге дәүләт йәштәр премияһына эштәр ҡабул ителә
