Башҡортостандан бер юлы өс ҡатнашыусы Волга буйы этнофестивале финалсылары булды.

Башҡортостандан бер юлы өс ҡатнашыусы «Ясна Музыка» беренсе Волга буйы этнофестивале финалсылары булды. Улар иң яҡшы 11  иҫәбенә инде. Финалсылар араһында Өфөнөң «Мираҫ» йыр һәм бейеү ансамбле солисы, ҡурайсы Юлай Ҡасимов, «ХАЗИНА» этно-проекты һәм ЙАТАГАН этно-төркөмө бар. Онлайн-конкурста тауыш биреүгә 2023 йылдың 18 февралендә йомғаҡ яһалды. Һайлап алыу турында Волга буйы федераль округының 15 субъектынан һәм илдән 100 конкурсант ҡатнашты. 15 жюри ағзаһы ситтән тороп «Ясна Музыка» фестивалендә ҡатнашыу хоҡуғын алған 11 ҡатнашыусыны билдәләгән. Сара ағымдағы йылдың майында Сыуашстанда үтә.

Алда финалсыларҙың сығышы һәм өс лауреатты - иң яҡшы төркөмдәрҙе йәки башҡарыусыларҙы һайлап алыу көтөлә. 5 майҙа Чебоксар ҡалаһында Волга буйы йондоҙҙарының, жюри ағзаларының, фестиваль лауреаттарының гала-концерты була. Һәр еңеүсе диплом, 3-4 минутлыҡ хронометражлы видеоклип аласаҡ, шулай уҡ боронғо уйын ҡоралдарының яңы тормошона һәм уларҙы заманса аранжировкаларҙа, музыкаль формаларҙа ҡулланыуға арналған документаль фильм төшөрөүҙә ҡатнашыу мөмкинлегенә эйә буласаҡ. Проект Мәҙәни башланғыстар фонды, Волга буйы ҡалалары ассоциацияһы, Сыуашстан Республикаһының Иҡтисади үҫеш министрлығы ярҙамында тормошҡа ашырыла.

Сығанаҡ - Башҡортостан Республикаһының Мәҙәнәит министрлығы төркөмө.