17 февралдә Нефтекама филармония залында «Шаян-лига» КВН уйындары системаһының «Төньяҡ-көнбайыш лигаһы» фестивале үтте. Командалар «Сәләмләү» конкурсында сығыш яһаны. Һөҙөмтәлә уйын йомғаҡтары буйынса призерҙар билдәләнде: Беренсе урынды - «Балаяндар» (Нефтекама башҡорт гимназияһы);  Икенсе урынды урын - «Тәтешле борсаҡтары» (Тәтешле районының Балалар ижады үҙәге); Өсөнсө урынды «Шәп компания» (Нефтекама нефть колледжы) һәм «Теге өсәү» (Өфө ҡалаһының йыйылма студенттары) бүлеште. Командаларҙың бөтәһе лә  Төньяҡ-көнбайыш лигаһының ярымфиналына үтте. Киләһе уйын ошо уҡ залда апрелдә уҙа. «Шаян лига» КВН уйындары системаһы сиктәрендә фестивалдәр 20 февралдә Күмертауҙа, 26 февралдә Мәсәғүт ауылында һәм 4 мартта Сибайҙа үтәсәк. «Шаян-лига» Башҡортостан Республикаһы Башлығы гранттары фонды, республиканың Йәштәр сәйәсәте буйынса дәүләт комитеты һәм Мәғариф һәм фән министрлығы булышлығында Башҡортостан Республикаһы Башлығы грантына уҙғарыла.