Элвин Грей (Радик Юлъяҡшин) Өфөлә бушлай сығыш яһай. Концерт 4 февралдә «Биатлон» спорт-һауыҡтырыу комплексында ҡышҡы спорт төрҙәре көнөндә була. Был хаҡта Башҡортостандың һәм Татарстандың атҡаҙанған артисы социаль селтәрҙә хәбәр итте.
«Өфө! 4 февралгә пландарығыҙ нисек? Был көндө кәйеф өсөн яуаплылыҡты үҙ өҫтөмә алырға булдым. Был ҡышҡы шәмбене һеҙҙең менән үткәрербеҙ», — тип яҙҙы популяр йырсы.
Биатлон буйынса Рәсәй беренселегендә иң яҡшылар һәм лайыҡлылар көс һынаша.
«Барыһы ла яҡшы кәйеф менән саңғыға! Көндөҙгө сәғәт 2-лә башлана! Һәр берегеҙҙе көтөм ҡалам!» — тип саҡырҙы Элвин Грей.
Ләйлә Аралбаева