Башҡортостанда йәшәүселәр матбуғатҡа арзанараҡ хаҡҡа яҙыла ала

15 декабргә тиклем Башҡортостанда йәшәүселәр матбуғатҡа сайтта һәм Рәсәй почтаһы бүлексәләрендә 30% ташлама менән яҙыла ала. Был хаҡта Федераль почта элемтәһе республика буйынса идаралығының матбуғат хеҙмәтенән хәбәр иттеләр.

«Нәшриәт йорттары менән берлектә компания 2,4 меңдән ашыу гәзит-журналға, шул иҫәптән республика, район һәм ҡала гәзит-журналдарына яҙылыу хаҡын төшөрә», - тине республика Федераль почта элемтәһе идаралығының матбуғат секретары Борис Слуцкий.

Баҫма матбуғатҡа республиканың барлыҡ почта бүлексәләрендә йәки почтальон аша яҙылырға мөмкин. Быны сайтта һәм мобиль ҡушымтала ла башҡарып була.

Каталогта 6 меңгә яҡын төрлө баҫма бар.

https://bash.bashinform.ru/news/social/2022-12-06/bash-ortostanda-y-sh-sel-r-g-zitt-rg-tashlama-men-n-ya-ylyr-a-m-mkin-3060051