+4 °С
Болотло
75 лет Победы
Бөтә яңылыҡтар
Новости
19 Сентябрь , 17:00

«Тамашасылар һөйөүе» призы – Мираҫ Ишдәүләтовта!

«Иң яҡшы туған тел һәм әҙәбиәт уҡытыусыһы» Бөтөн Рәсәй һөнәри конкурсында ҡатнашҡан Мираҫ Рәшит улы Ишдәүләтов «Тамашасылар һөйөүе призы» номинацияһында еңеп һәм конкурста бишенсе урынды алды.  Был хаҡта Башҡортостандың мәғариф һәм фән министры Айбулат Хажин хәбәр итте.

«Педагогик эшмәкәрлегенең күпселек өлөшөн Мираҫ Ишдәүләтов Мәғариф һәм фән министрлығы ҡарамағындағы ойошмаларҙа эшләне. Рәми Ғарипов исемендәге 1-се башҡорт республика гимназия-интернатында белем бирҙе, артабан Ғ. Әлмөхәмәтов исемендәге республика гимназия-интернатында тәрбиәсе, Башҡорт архитектура, төҙөлөш һәм коммуналь хужалыҡ колледжында, Өфөнөң 2-се шифаханаһындағы мәктәп-интернатта уҡытты, — тип яҙҙы министр. – Лайыҡлы, намыҫлы, яуаплы, белемле уҡытыусы. Уңышы менән ихлас күңелдән ҡотлайым!»

Өфө ҡалаһы 107-се лицейының башҡорт теле һәм әҙәбиәте уҡытыусыһы Мираҫ Ишдәүләтов «Иң яҡшы туған тел һәм әҙәбиәт уҡытыусыһы» Бөтөн Рәсәй һөнәри конкурсының финалсылары иҫәбенә инде. Ставрополь крайында уҙған конкурста илдең төрлө төбәктәренән 69 уҡытыусы ҡатнашты.

 Фото: Айбулат Хажиндың социаль селтәрҙәге битенән

«Тамашасылар һөйөүе» призы – Мираҫ Ишдәүләтовта!
«Тамашасылар һөйөүе» призы – Мираҫ Ишдәүләтовта!
Автор:
Читайте нас в