-2 °С
Болотло
Бөтә яңылыҡтар
Новости
9 Сентябрь 2022, 17:00
Бөгөн - Бөтә донъя матурлыҡ көнө!
Матурлыҡтың сере ниҙә һуң? Быны әлегәсә бер кем дә аныҡ ҡына әйтә алмай. Ҡайһы бер ҡатын-ҡыҙ күрер күҙгә әллә ни сибәр ҙә түгел, ә көслө заттар уны алиһә итеп күрә. Икенселәре - ҡойоп ҡуйған сибәр ҙә, аҡыллы ла, әммә ир-егет уларҙан ситләшә... Һеҙ был хаҡта ниҙәр уйлайһығыҙ, дуҫтар?
Тарихта беренсе Матурлыҡ бәйгеһе Бельгияла 1988 йылда була. Ә Донъя гүзәлен тәүге тапҡыр Лондонда 1951 йылда һайлайҙар. Ә бына бөгөн билдәләнгән МАТУРЛЫҠ КӨНӨ 1995 йылда эстетика һәм косметология менән шөғөлләнгән халыҡ-ара комитет тарафынан иғлан ителә. Был көндө косметологтар, косметика етештереүселәр һәм һатыусылар, пластик хирургтар, моделдәр бизнесы хеҙмәткәрҙәре, матурлыҡ булдырыуға ҡатнашҡан бөтә кеше үҙ итә.
Ир-егет ҡатын-ҡыҙҙа нимәгә өҫтөнлөк бирә һуң? Зауыҡ хаҡында бәхәсләшмәйҙәр тиһәләр ҙә, уртаҡ ҡараштар бихисап:
- иң тәү сиратта, үҙ-үҙеңде ихтирам итеү, кеше булараҡ түбәнһетмәү;
- нәфислек, нәзәкәтлелек;
- эргәһендәге ир-егетте күтәрә, баһалай, дәртләндерә белеү;
Ә шулай ҙа гүзәл затҡа иң килешкәне - бәхет күлдәге! Бәхет - күңел торошо! Йылмайығыҙ, донъяғыҙға ҡыуанығыҙ һәм бәхетле булығыҙ!
Башҡорт халыҡ мәҡәлдәрендә матурлыҡ:
- Матур - күҙ өсөн, аҡыллы - күңел өсөн.
- Матурлыҡ - күҙ өсөн, холоҡ - күңел өсөн.
- Матур сәскә сәнскеле була.
- Матурлығы хәжәт түгел, аҡылы-тәүфиғы булһын.
- https://moradim.ru/articles/fay-aly-k-sht-r/2020-09-04/9-sentyabr-b-t-don-ya-maturly-k-n-934737
Бөгөн - Бөтә донъя матурлыҡ көнө!
Новости партнеров