+17 °С
Облачно
Новости
30 Августа 2022, 04:45
Башҡортостанда «Музыкаль этномозаика» акцияһы башлана
9 сентябрҙә Башҡортостан Республикаһында Милли кейем көнө билдәләнә. Байрам халыҡтарҙың йолаларына, тарихына һәм мәҙәниәтенә тағы ла бер тапҡыр мөрәжәғәт итергә мөмкинлек бирә. Республика халыҡ ижады үҙәге Милли кейем көнөнә арналған «Музыкаль этномозаика» акцияһында ҡатнашырға саҡыра. Акция ҡағиҙәләре буйынса, унда теләгән һәр кем ҡатнаша ала. Унда ҡатнашыу өсөн төрлө милли кейемдәрҙәге боронғо халыҡ музыка ҡоралдарында 2-3 минут дауамында ниндәй ҙә булһа композицияны башҡарырға кәрәк.
Музыкаль әҫәр үҙаллы һайлана. Видеороликты#МузыкальнаяЭтноМозаикаБашкортостана #ДеньНациональногоКостюма #УфаМКРБ #УфаРЦНТРБ #МКРБ хэштегтары менән социаль селтәргә һалырға кәрәк. Акцияны уҙғарыу ваҡыты: 2022 йылдың 9 сентябренә тиклем. Иң креатив видеороликтар Республика халыҡ ижады үҙәгенең социаль селтәрҙәр битенә эләгә. Хупланығыҙ! Хәтерегеҙгә төшөрәбеҙ, республика Башлығы Радий Хәбировтың Указына ярашлы, республикала 2020 йылдан байрам йылына ике тапҡыр уҙғарыла: апрелдең өсөнсө йомаһында һәм сентябрҙең икенсе йомаһында.
Сығанаҡ - https://culture.bashkortostan.ru/presscenter/news/478627/
Башҡортостанда «Музыкаль этномозаика» акцияһы башлана