Арҙаҡлы бейеүсенең яҡты иҫтәлегенә арналған фестивалгә көньяҡ-көнсығыш төбәк район-ҡалаларынан барлығы 17 коллектив йыйылды. Һәр береһе бәйгелә беҙҙең ерлеккә хас бейеүҙәрҙе халыҡ иғтибарына тәҡдим итте. Шулай уҡ грант проекты сиктәрендә ойоштороусыларға, хореографтарга халыҡ-ара конкурстар лауреаты Азамат Кәримов тарафынан оҫталыҡ дәресе күрһәтелә.

Йәүҙәт Бикбирҙиндың көсө менән ойошторолған һәм бөгөнгө көндә лә уңышлы эшләп килгән «Ирәндек» халыҡ бейеүҙәре ансамбле Гран приға эйә булды. Бөрйән, Әбйәлил, Йылайыр райондары һәм Сибай ҡалаһы коллективтары призлы урындар яуланы. Шулай уҡ фестиваль яңы балетмейстерҙарҙы асыҡланы. Танылған хореографтарҙан тыш, был исемгә Бөрйән районынан Зилә Исмакова лайыҡ булды.

Раушания Рәхимова

https://bash.news/bash/news/177387-baymakta-legendar-beyeuse-yeuzet-bikbirzin-ictelegene-beyeu-festivale-utte