+17 °С
Облачно
Новости
25 Апреля 2022, 05:02
#РухиМираҫЙылы "Башҡорт һандуғасы"
Иглин районында Башҡортостандың һәм Рәсәй Федерацияһының халыҡ артисы Мәғәфүр Хисмәтуллин исемендәге республика башҡорт йырҙарын башҡарыусыларҙың "Башҡорт һандуғасы" бишенсе республика конкурсы үтте. Гран-при һәм беренсе дәрәжә диплом менән бүләкләнеүсе башҡорт һандуғастарын ҡотлайбыҙ - .
Бәйгегә республикабыҙҙың төрлө тарафтарынан: Учалы, Архангель, Нуриман, Илеш, Ҡырмыҫҡалы, Баймаҡ, Өфө, Кушнарен, Бижбүләк, Ейәнсура, Шишмә, Бөрйән, Иглин райондарынан, Стәрлетамаҡ, Бәләбәй, Ишимбай, Өфө ҡалаларынан бәйгеселәр йыйылды. Улар үҙҙәренең йыр-моң оҫталығы менән бүлеште.
Илеш районынан Мостафина Рәсидә Мәрхәм ҡыҙы беренсе дәрәжә диплом менән бүләкләнде.
Гран-приға Дамир Таипов лайыҡ булды.
Бәйгебенең төп маҡсаты – вокал-башҡарыу мәктәбе традицияларын һаҡлау һәм үҫтереү, халыҡ артисы Мәғәфүр Хисмәтуллиндың хәтерен мәңгеләштереү, сағыу һәм һәләтле башҡарыусыларҙы асыҡлау, уларҙың ижади үҫешенә булышлыҡ итеү.
Конкурсанттарға артабан да уңыштар юлдаш булһын!
#РухиМираҫЙылы "Башҡорт һандуғасы"
