ҠОТЛАЙБЫҘ!!!

Рәзилә Ырыҫҡужинаның иң әһәмиәтле эше – ул Шәһит Хоҙайбирҙиндың ҡыҙы – Тамара Шәһит ҡыҙы Хоҙайбирҙина тураһында уның туғандарының, уҡыусыларының һәм коллегаларының иҫтәлектәре. Рәзилә Ишбулды ҡыҙы төрлө район һәм ҡалаларҙан 50-ләп кеше менән осрашып, улар менән ихлас әңгәмәләшә. Йыйынтыҡ 2018 йылдың авгусында «Сәхнәләрҙән остоң күктәргә, дәрт ҡанаты ҡуйып күптәргә» тигән исем аҫтында баҫылып сыға. 2019 йылда уның Хоҙайбирҙиндар ғаиләһе тураһындағы барлыҡ мәҡәләләре тупланған, шулай уҡ ҡыҙы, ҡатыны һәм Шәһит Хоҙайбирҙиндың биографиялары буйынса яҙылған «Һағышлы ла торна тауыштары» тигән мәҡәләһе ингән «Һүнмәҫ йондоҙҙар» («Немеркнущие звезды») исемле икенсе китабы донъя күрә.