-10 °С
Болотло
75 лет Победы
Бөтә яңылыҡтар
Новости
19 Май 2021, 12:03

Башҡортостанда халыҡ яҙыусыһы Ноғман Мусиндың 90 йәшен билдәләйҙәр:

Ҙур эш (хикәйә). Ноғман Мусин.

Республикала халыҡ яҙыусыһы Ноғман Мусиндың 90 йәшен билдәләйҙәр. 17 майҙа Башҡортостан Башлығы Радий Хәбиров ошо туралағы указға ҡул ҡуйҙы.

Документҡа ярашлы, 2021 йылда яҙыусыға 90 йәш тулыуға (1931 йылдың 17 июлендә тыуған) арналған саралар ойошторола.

Ҙур эш (хикәйә). Ноғман Мусин.

— Балалар, бөгөн ҙур эшкә сығабыҙ, — тине Нурия апай. — Ниндәй эш икәнлеген Хәйбулла бабай әйтер.
Беҙ тиҙ генә йыйылдыҡ. Уҡытыусы апай беҙҙе урманға алып китте. Урманға барып еткәс, Хәйбулла бабай:
— Яҡыныраҡ килегеҙ, уландар, — тип беҙҙе үҙ эргәһенә ултыртты. Ә үҙе ҡайындың суғырмаҡлы төбөнә йәбешкән үрмәксе ауы кеүек нәмәне туҙ киҫәгенә ҡағып төшөрә башланы. Уның эсе, тары ярмаһы кеүек, ҡарағусҡыл нәмәләр менән тулы икән.
Ул беҙгә ҡарағусҡыл нәмәләрҙе күрһәтеп: — Былтыр йәй ағас япраҡтарын ошолар ашап бөттө. Ун биш-егерме көн үткәс, уларҙан һеҙ «шайтан күбәләге» тип йөрөткән бик күп йөнтәҫ эре күбәләктәр сығасаҡ. Бер аҙ ваҡыт үткәс, улар ҡарышлауыҡтарға әйләнәләр. Шул ҡарышлауыҡтар ағастың япрағын һәләк итәләр. Уларҙы яҙ көнө бөтөрөргә кәрәк, — тине.
Беҙ бөтәһен дә аңланыҡ. Урманды таҙарттыҡ.
1988 йыл
Читайте нас в