Башҡортостандың иң рухлы, дәртле, даланлы эстрада-фольклор төркөмө үҙенең 20 йәшен билдәләй

Был эстрада төркөмөндә сағыу йондоҙҙар ижад итә.

Башҡортостандың иң рухлы, дәртле, даланлы эстрада-фольклор төркөмө – «ДАЛАН» үҙенең 20 йәшен билдәләй. 16 апрелдә Башҡорт дәүләт филармонияһында төркөмдөң ҙур концерты уҙасаҡ. Популяр башҡорт эстрада төркөмө, төрки йәштәренең «Урал моңо – 2002» халыҡ-ара конкурс-фестивале лауреаты «Далан» ҡайҙа ғына сығыш яһамаһын, һәр ваҡыт халыҡ күңеленә үҙ йыры, моңо, дәрте менән юл таба.

Коллектив республикала ғына түгел, Мәскәү, Санкт-Петербург ҡалаларында, Ырымбур, Силәбе, Һарытау, Төмән, Ҡурған өлкәләрендә, Пермь крайында, Ямало-Ненецк һәм Ханты-Мансы автономиялы округтарында, Саха-Яҡут, Үзбәкстан, Ҡаҙахстан республикаларында, Төркиәлә лә уңышлы сығыш яһап данға күмелде.

Төркөмдөң етәксеһе, Башҡортостандың халыҡ артисы Артур Туҡтағолов үҙе үк башҡорт эстрадаһына нигеҙ һалыусы легендар йырсыларыбыҙҙың береһе. «Ҡарауанһарай» фольклор-эстрада төркөмөн етәкләү тәжрибәһе уға «Далан»да һәләтле артистарҙы туплап, тиҙ арала уны төрлө йәштәге тамашасыларҙың яратып тыңлаған коллективына әйләндереү форсатын бирҙе.

Бөгөн «Далан» эстрада төркөмөндә сағыу йондоҙҙар: Башҡортостандың халыҡ артисы Миңзифа Исҡужина, халыҡ-ара конкурстар лауреаттары: Алмас Сирусин, Венер Сәйфетдинов (ҡурай), бейеүселәр Регина Баракова һәм Венер Ҡолдәүләтов, нәфис һүҙ оҫтаһы Редик Сәғитов ижад итә.

Халыҡсан, ерлекле, милли колоритлы булыуы менән айырылып торған төркөмдөң юбилей концерты илаһи осрашыу, онотолмаҫ йырҙар һәм ҡабатланмаҫ хистәр вәғәҙә итә. Һеҙҙе төрлө йылдарҙағы хиттар, премьералар, дәртле бейеүҙәр, моңло ҡурай, баян моңдары һәм башҡа «тәмле» бүләктәр көтә. Тыуған ил, илһөйәрлек, туғанлыҡ, дуҫлыҡ, мөхәббәт һәм өҙөлмәҫ моң тураһындағы ҡабатланмаҫ музыкаль әҫәрҙәрҙе ишетеү өсөн концертҡа килегеҙ.

https://kulturarb.ru/

Читайте нас:

© 2025 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477

Телефон

(347)292-77-64

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, каб. 612