"Башҡортостанда ғына ысын удмурттар йәшәй"

Сит төбәктәрҙән килгән ҡунаҡтар нишләп ундай фекерҙә?

Тәтешле районында Башҡортостан удмуртарының 6-сы съезы үтте. Очет-һайлау конференцияһында республиканың тиҫтәләп төбәгенән делегаттар ҡатнашты. Осрашыуҙа төп йәмәғәт ойошмаһының һуңғы биш йылдағы эшмәкәрлегенә йомғаҡ яһалды һәм уның артабанғы үҫешенә арналған көнүҙәк мәсьәләләр тикшерелде. Съезд ҡунаҡтары шулай уҡ милли-мәҙәни үҙәктең яңы рәйесен һайланы.

Республика удмурттары Ренат Ғәләмшинды үҙҙәренең аҡһаҡалы тип йөрөтә. Башҡорт АССР-ының Юғары Советы депутаты һәм оҙаҡ йылдар хужалыҡ етәксеһе булып эшләгән Ренат Биктимер улы ваҡытында милләттәштәрен берләштереүҙә ҙур көс һала. Тап уның тырышлығы менән Башҡортостанда удмурттарҙың милли-мәҙәни үҙәге ойошторола. Былтыр көҙ арабыҙҙан китһә лә, уның исеме һәм ҡылған изгелектәре халыҡ хәтеренән юйылмай.

Һәр биш йыл һайын республика удмурттары ҡорға йыйыла. Пандемия менән бәйле ул былтыр онлайн форматта ойошторолорға тейеш булған. Әммә милли мәсьәләләрҙе күҙгә-күҙ ҡарашып һөйләшеү өсөн улар осрашыуҙы апрелгә күсергән. Тәтешле районында үткән съезда милли-мәҙәни үҙәктең һуңғы йылдарҙағы эшмәкәрлегенә йомғаҡ яһалды. Был осорҙа милли ихтыяжадарҙы ҡәнәғәтләндереү буйынса байтаҡ эштәр башҡарылған.

Һуңғы мәғлүмәттәр буйынса, бөгөн республикала 20 меңдән ашыу удмурт йәшәй. Улар башлыса, төньяҡ һәм төньяҡ-көнбайыш төбәктәрҙә төпләнгән.

Осрашыуҙа халыҡ мәҙәниәтен һаҡлау, тел проблемалары, үҫеп килеүсе йәш быуынды рухи һәм әхлаҡи йәһәттән үҫтереү мәсьәләләре күтәрелде. Сит төбәктәрҙән килгән ҡунаҡтар билдәләүенсә, бөгөн Башҡортостанда ғына ысын удмурттар йәшәй. Сөнки улар тыуған телен, милли мәҙәниәтен, рухи мираҫын һәм этник үҙенсәлеген һаҡлап ҡалыуға өлгәшкән.

Республика удмурттары милли-мәҙәни үҙәктең яңы рәйесен дә һайланы. Күпселек тауыш менән был вазифаға Людвиг Зидымаков тәғәйенләнде. Түбәнге Балтас мәктәбе директоры киләһе биш йылда удмурт мәҙәниәтен һәм телен пропагандалау менән бер рәттән, ойошма ағзаларының милли һәм социаль мәнфәғәттәре өсөн дә көрәшәсәк.

Илдар Байбулатов

https://bash.news/bash

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде

© 2024 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477

Телефон

(347)292-77-64

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, каб. 612