+12 °С
Ямғыр
Бөтә яңылыҡтар
Новости
31 Март 2021, 09:00
Өфөлә «Башҡорт халҡының үлемһеҙ «Урал батыр» эпосы» республика нәфис һүҙ оҫталары конкурсы иғлан ителде
Бәйгенең маҡсаты, унда кемдәр ҡатнаша ала - мәғлүмәт журналдың сайтында
2021 йылдың 16 мартынан 22 апреленә тиклем Өфөлә «Башҡорт халҡының үлемһеҙ «Урал батыр» эпосы» республика нәфис һүҙ оҫталары конкурсы уҙғарыла. Унда Башҡортостанда йәшәүсе 12 йәштән өлкән кешеләр, китапханалар уҡыусылары, белем биреү учреждениелары уҡыусылары, балаларға өҫтәмә белем биреү учреждениелары (йәкшәмбе мәктәптәре) тәрбиәләнеүселәре, шулай уҡ БР Халыҡтар дуҫлығы йортоноң милли-мәҙәни үҙәктәре ағзалары ҡатнаша ала.
Конкурстың ойоштороусылары – Өфө ҡалаһының 8-се «Халыҡтар дуҫлығы» китапханаһы һәм БР-ҙың «Аҡ тирмә» башҡорт милли-мәҙәни үҙәге.
Сараның маҡсаты – халыҡ араһында әҙәбиәтте һәм ауыҙ-тел ижадын йәйелдереү, китап уҡыуға ҡыҙыҡһыныуҙы арттырыу, һәләтле уҡыусыларҙы асыҡлау һәм үҫтереү, башҡорт милли мәҙәниәтен төптән өйрәнеүгә этәргес биреү.
Конкурсҡа тәҡдим ителгән материалдар ике минуттан артмаҫҡа тейеш. Эштәр түбәнге номинациялар буйынса ҡабул ителә:
– «Урал батыр» эпосын нәфис һөйләү;
– «Урал батыр» эпосы буйынса музыкаль-театраль сығыш.
Конкурс өс өлөштән торасаҡ: эштәрҙе ҡабул итеү, жюри тарафынан һайлап алыу һәм интернет селтәрендә тауыш биреү.
Конкурста ҡатнашыу өсөн ошо шартты үтәргә кәрәк: ойошторусы китапхананың социаль селтәрҙәге төркөмөнә яҙылырға https://vk.com/club82619089. Заявкаларҙы [email protected] электрон почтаһына ебәрергә һәм хатҡа «Республиканский конкурс чтецов «Бессмертный эпос башкирского народа «Урал батыр» тип яҙырға кәрәк. Эштәр 3 апрелгә киске сәғәт 6-ға тиклем ҡабул ителә.
Артабан жюри һәр номинация буйынса утыҙышар видеоны һайлап аласаҡ һәм онлайн тауыш биреү этабына үткәрәсәк. Тауыш биреү 8-се китапхананың рәсми сайтында ( http://www.8.ufa-lib.ru/) 14 – 21 апрелдә барасаҡ. Еңеүселәр электрон дипломдар менән бүләкләнәсәк, барлыҡ ҡатнашыусыларға электронт сертификаттар ебәреләсәк.
Конкурстың Положениеһын ошо һылтанма буйынса табырға мөмкин:
«Башҡорт халҡының үлемһеҙ «Урал батыр» эпосы» республика нәфис һүҙ оҫталары конкурсынан ситтә ҡалмағыҙ!
Читайте нас:
© 2024 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477
Телефон
(347)292-77-64
Электрон почта
Адресы
450079, Республика Башкортостан, г. Уфа, ул. 50-летия Октября, 13, каб. 612