+4 °С
Болотло
Бөтә яңылыҡтар
10
Новости
29 Март 2021, 16:15
"Һаулыҡ мөмкинлеге сикләнһә лә, ул донъяның сиктәрен киңәйтә".
Рөстәм Нәбиев хаҡында фильм төшөрәсәктәр.
Казарма емерелгәндә аяҡһыҙ ҡалған Өфө спортсыһы һәм блогер Рөстәм Нәбиев тураһында документаль фильмды Эльбруста төшөрәләр. Экспедиция быйыл яҙғыһын планлаштырыла.
Фильмды төшөрөү менән Ә.Абдразаҡов исемендәге «Башҡортостан» киностудияһы ярҙамында Мәскәүҙең «Дока» компанияһы шөғөлләнә. «Башинформ» фильмдың продюсеры Лариса Олейникка мөрәжәғәт итте.
«Рөстәм — үҙенсәлекле, ҡыйыу кеше. Мин уның тормошон күҙәтеп барҙым, уның өлгөһө илһамландыра, шуға уның тураһында һөйләргә теләнем. Рөстәм менән Zoom аша һәм Өфөгә килгәс аралаштым. Уның хаҡында инвалид булараҡ түгел, ә кеше, спортсы, альпинист булараҡ һөйләге килә. Һаулыҡ мөмкинлеге сикләнһә лә, ул кешеләр менән таныша, донъяның сиктәрен киңәйтә», — тине Лариса Олейник.
Ярты сәғәтлек фильмды быйыл төшөрөп бөтөү планлаштырыла.
Хәтерегеҙгә төшөрәбеҙ, 2020 сентябрендә Рөстәм Нәбиев тарихта тәүге тапҡыр Эльбрусты ҡулдарында яуланы (6 220 метр). Ул 15 сәғәт буйына тауға артылды, 13 саҡрым юл үтте. Рөстәм Нәбиев республика етәксеһе Радий Хәбировҡа Эльбрустан алып ҡайтҡан таш бүләк итте.
Читайте нас: