Мостай Кәрим исемендәге Милли йәштәр театрында эш гөрләй. Башҡорт труппаһы Наил Ғәйетбайҙың "Ғашиҡтар көнө" спектакле өҫтөндә эшләй. Ауылдан ҡалаға килгән йәштәр ниндәй мажараға тарый? Кем кемгә ғашиҡ? Улар бер-береһенә тап килерме?... Ошо һәм бүтән бик күп һорауҙарға музыкаль комедияны ҡарап ҡына яуап алырға мөмкин. Премьера 8, 9 апрелгә планлаштырылған. Осрашыу урыны - Мостай Кәрим исемендәге Милли йәштәр театры. Был "свиданиеға" һуңламай килеүегеҙ хәйерле, сөнки урындар һанаулы ғына ҡалған.