Көйөргәҙе районында композитор Ғәзиз Әлмөхәмәтов музейын төҙөкләндереү башланған.
“Бинаны яңыртыу мөмкинлеге танылған музыканттың 125 йыллығы уңайынан оло бүләк булды”, - ти район хакимиәте башлығы урынбаҫары Данил Акилов.
Ғәзиз Әлмөхәмәтов – башҡорт профессиональ музыка сәнғәтенә нигеҙ һалыусыларҙың береһе. Уға тәүгеләрҙән булып Башҡортостандың халыҡ артисы исеме тапшырыла. Сәйәси золом ҡорбаны, 1937 йылда ҡулға алына, 1938-ҙә уны атып үлтерәләр. Республикала композитор исемендәге призға йәш йырсылар конкурсы ойошторола.