Башҡорт балына - ҙур иғтибар

Башҡортостанда сит ил инвесторҙары ярҙамында ҡортсолоҡто үҫтереү проекты тормошҡа ашырыласаҡ. Француз эшҡыуарҙары башҡорт балын сәнәғәт күләменә сығарасаҡ.

Башланғыс кисә «Инвестиция сәғәте» форматында уҙған кәңәшмәлә ҡаралды.

Сит ил инвесторҙары әйтеүенсә, Башҡортостанда ҡорт балы етештереү потенциалы юғары. Әммә умартасылыҡ әле төбәктә хаҡлы ялдағылар шөғөлө кимәлендә генә үҫешкән. Француздар тармаҡты сәнәғәт күләменә сығарып экспортты бермә -бер арттырырға иҫәп тота. Проектҡа ярашлы, республикала 30 мең умарта, 6 бал һығыу станцияһы, 1 бал эшкәртеү һәм ҡаптарға тултырыу заводы булдырыу күҙаллана. Шул уҡ ваҡытта улар урындағы йүнселдәргә лә ҡортсолоҡ продукцияһын сит илдәргә һатыуҙа ярҙам итәсәк. Башҡорт тоҡомло бал ҡорттарын һаҡлау һәм үрсетеү буйынса лабораториялар, сауҙа үҙәге һәм бал йорто төҙөргә иҫәп тотола.

Башҡортостан башлығы проектты тормошҡа ашырыу өсөн төрлө яҡлап та ярҙам күрһәтергә ҡушты. Сит ил инвесторҙары һалым ташламаһы, субсидиялар аласаҡ. Инвестиция сәғәтендә ҡаралған тағы бер проект төҙөлөш өлкәһен йәнләндермәксе. Инвесторҙар Стәрлетамаҡ ҡалаһындағы бөлгөнлөккә төшкән фиброцемент заводын һатып алып унда шифер етештерергә ниәтләнә. Был материал һуңғы йылдарҙа бик популяр булмаһа ла йүнселдәр шифергә һорау буласаҡ тип ышандыра.

Айнур Кәбиров

Яңылыҡтар - Башҡортостан юлдаш телевидениеһы

Читайте нас:

© 2024 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477

Телефон

(347)292-77-64

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, каб. 612