-14 °С
Ҡар
75 лет Победы
Бөтә яңылыҡтар
Новости
17 Февраль 2021, 13:00

Мең ырыуы йыйыны йәйен Әлшәйҙә үтә

«Мең ырыуы» төбәк-ара йәмәғәт берләшмәһенең совет ултырышында 2021 йылға эш планы раҫланды.

«Мең ырыуы» төбәк-ара йәмәғәт берләшмәһенең совет ултырышында 2021 йылға эш планы раҫланды. Пандемия сәбәпле, үткән йыл йыйын уҙғарылмаған. Быйылғы ҡорҙо меңлеләр лайыҡлы үткәрергә ниәтләй. Совет ағзалары ырыуҙың данлыҡлы улдары исемен мәңгеләштереүҙе дауам итмәксе. 2022 йылда Ҡәнзәфәр бейҙең тыуыуына 490 йыл тула. Арҙаҡлы шәхескә тыуған төйәге Шишмә районы Ябалаҡлы ауылында һәйкәл ҡуйыла. Бюст әҙер, уны ырыуҙаштар үҙ аҡсаһына урынлаштыра. Әле тейешле сумма йыйылып бөтмәгән. Шулай уҡ, ырыу советы мәғрифәтсе Мифтахетдин Аҡмулла, генерал-лейтенант, күренекле дәүләт һәм хәрби эшмәкәр Хажиәхмәт Ишбулатов, шағир Ярлы Кәрим, фольклорсы, ғалим Ниғмәт Шоңҡаров кеүек шәхестәргә арналған саралар ойоштороуҙы планлаштырған.
««Мең ырыуы» төбәк-ара йәмәғәт берләшмәһенең советында ырыуҙың лайыҡлы вәкилдәре эшләй. Бөгөн биология фәндәре кандидаты, оҙаҡ йылдар яуаплы вазифалар башҡарған, абруйлы, тәжрибәле шәхес Дамир Асҡаров һәм әле Өфө дәүләт нефть-техник университетында белем алып йөрөгән студент Айрат Мусинды ҡабул иттек. Улар бөгөндән ырыу эштәренә ҡушылды. Пландар ҙур, башҡараһы эштәр күп. Киләһе күләмле сара — 19 мартта Миәкә районында үтәсәк Шәжәрә байрамы. Уға әҙерлек күптән башланды», — ти «Мең ырыуы союзы» төбәк йәмәғәт ойошмаһы советы етәксеһе Әхнәф Тимербулатов.

https://kurultai.ru/ba/content/1973-bashkiry-roda-min-soberutsya-letom-v-alsheevskom-rajone/
Читайте нас в