Рәсми сараларҙа башҡорт эшлекле костюмын кейеү тәртибе раҫланды

Документ хоҡуҡи мәғлүмәт порталында баҫылып сыҡты.

Документ хоҡуҡи мәғлүмәт порталында баҫылып сыҡты. Ҡағиҙәләр тәү сиратта дәүләт хеҙмәткәрҙәре, муниципаль чиновниктар, төрлө ведомство һәм ойошма етәкселәренә ҡағыла. Башҡортостан башлығы күрһәтмәһендә ир-егеттәр һәм ҡатын-ҡыҙҙар өсөн тәғәйенләнгән башҡорт эшлекле костюмының төрҙәре аныҡлана, уны рәсми сараларҙа кейеү тәртибе билдәләнә.

Башҡортостан Башлығының бойороғонда билдәләнеүенсә, ир-егет өсөн стилләштерелгән башҡорт эш кейеменә ултырма яғалы, ҡыя ҡаушырмалы кәзәкей, лампаслы йәки классик салбар, бер төҫтәге күлдәк, костюмдың төҫөнә тура килгән классик аяҡ кейеме инә. Бынан тыш, ирҙәр кейемен камзул, сағыу булмаған билбау, түбәтәй тулыландырыуы ихтимал. Йөҙөк кейергә мөмкин.

Ҡатын-ҡыҙҙарҙың стилләштерелгән башҡорт эш кейеменә оҙон еңле күлдәк, блузка, сағыу булмаған юбка, пинжәк йәки жилет, камзул, костюмға тура килгән аяҡ кейеме инә. Гүзәл заттар шулай уҡ күҙгә ташланып тормаған биҙәүестәр, селтәр, хәситә, муйынсаҡ таға ала.

Ир-егеттәрҙең дә, ҡатын-ҡыҙҙың да эш кейеме сағыу биҙәкһеҙ, бер төҫлө булырға тейеш. Уны ирекле стилдәге кейем менән бергә кейергә ярамай.

Хәтерегеҙгә төшөрәбеҙ, халҡыбыҙҙың милли традицияларын сағылдырған башҡорт эшлекле костюмын тәүге тапҡыр республика башлығы Радий Хәбиров үҙендә һынап ҡараны. Ирҙәр өсөн кейем башҡорт атлы яугирҙарының камзулын хәтерләтә. Костюмды Өфө модельеры Радик Хәйруллин текте.

Читайте нас:

© 2024 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477

Телефон

(347)292-77-64

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, каб. 612