-5 °С
Болотло
Бөтә яңылыҡтар
Новости
14 Ғинуар 2021, 19:00

Бөтә донъя башҡорттары ҡоролтайы яңы йылда ла «Башҡорт мәҙәниәте һәм мәғрифәте көндәре» проектын дауам итәсәк

2021 йылда проектты тормошҡа ашырыу сиктәрендә Ҡурған, Свердловск, Ырымбур, Силәбе өлкәләрендә, Пермь крайында һәм Ханты-Манси автономиялы округында Башҡорт мәҙәниәте һәм мәғарифы көндәрен үткәреү планлаштырыла.

Республикала Башҡортостандың дәүләт телдәрен һәм республика халыҡтары телдәрен һаҡлауға һәм үҫтереүгә субсидия рәүешендә грант биреүгә конкурс һөҙөмтәләре иғлан ителде. Бөтә донъя башҡорттары ҡоролтайының «Башҡортостан Республикаһынан ситтә башҡорт мәҙәниәте һәм мәғрифәте көндәре» проекты еңеүселәрҙең береһе тип танылды. Проект Рәсәй Федерацияһының башҡорттар күпләп йәшәгән төбәктәрендә башҡорт мәҙәниәтен һәм телен һаҡлауға, үҫтереүгә һәм популярлаштырыуға йүнәлтелгән. Быға тиклем Ҡоролтай ошондай саралар үткәрә килде — 2020 йылда Рәсәйҙең 5 төбәгендә һәм Үзбәкстан Республикаһында Башҡорт мәҙәниәте һәм мәғрифәте көндәре уҙҙы.
Сара сиктәрендә төрлө форматлы осрашыуҙар: тыуған ерҙән ситтә милли үҙенсәлекте һаҡлау һәм үҫтереү проблемалары буйынса фекер алышыуҙар, башҡорт диаспораһы вәкилдәренә көнүҙәк темалар буйынса консультациялар биреү, мәҙәни-ағартыу саралары күрһәтеү ойошторола. Бынан тыш, башҡорт диаспораларын матди-техник йәһәттән тәьмин итеүгә лә айырым иғтибар бирелә.
«Проект республиканан ситтә йәшәгән башҡорттарға бик кәрәк. Бөтәһендә лә башҡорт тапшырыуҙарын тыңлау йәки ҡарау, туған әҙәбиәтте уҡыу мөмкинлеге юҡ. Шуға күрә Бөтә донъя башҡорттары ҡоролтайы уҙғарған бындай саралар беҙҙең өсөн аралашыу, фекер алышыу йәһәтенән рухи ярҙам, костюмдар, музыкаль инструменттар, уҡытыу-методик әсбаптар кеүек төрлө милли атрибуттар рәүешендә матди ярҙам да булып тора », - тип билдәләне Ханты-Манси автономиялы округы башҡорттары ҡоролтайы рәйесе Рәүҙәт Ҡолмәнбәтов.
2021 йылда проектты тормошҡа ашырыу сиктәрендә Ҡурған, Свердловск, Ырымбур, Силәбе өлкәләрендә, Пермь крайында һәм Ханты-Манси автономиялы округында Башҡорт мәҙәниәте һәм мәғарифы көндәрен үткәреү планлаштырыла.

https://kurultai.ru/ba/content/1849-vsemirnyj-kurultaj-bashkir-v-novom-godu-prodolzhit-proekt-dni-bashkirskoj-kultury-i-prosveshheniya/
Читайте нас:

© 2024 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477

Телефон
(347)292-77-64
Электрон почта
Адресы
450079, Республика Башкортостан, г. Уфа, ул. 50-летия Октября, 13, каб. 612
Яндекс.Метрика