Донъяға ниндәй һандар идара итә?

Мауыҡтырғыс һандар донъяһында

Йорт һаны, фатир һаны, телефон һәм машина һаны, паспорт һаны, тыуған йыл һаны... Был тормошта беҙҙең әллә күпме һандарыбыҙ бар. Яҙмыш уларҙы осраҡлы ғына бирмәй. Һәр кемдең тыуғанда уҡ үҙ билдәләре була. Тыуған көнөгөҙ, айығыҙ, йылығыҙҙы яҙып ҡарағыҙ әле. Мәҫәлән, 1960 йыл, 19 октябрь (19.10. 1960). Унан һуң был һандарҙы ҡушығыҙ: 1+9 + 1+0+1+9+6+0. Барыһын бергә ҡушҡас, 27 килеп сыға. Хәҙер ошо һанды ла ҡушығыҙ 2+7. Шул рәүешле бер һан ҡалғансы ҡушырға кәрәк. Был осраҡта туғыҙ килеп сыҡты. Ә хәҙер үҙегеҙҙең һан нимә аңлатҡанын уҡып ҡарағыҙ.

Бер. Донъяның күп кенә диндәрендә был – Аллаһ көсөн күрһәткән символ. Әлеге һан эйәләре – тормошта хакимлыҡҡа ынтылған лидерҙар. Бындай кешеләр маҡсатына өлгәшеү юлында үҙҙәренә, булдыҡлылығына ышана һәм башҡаларҙың баҫымына бирешмәй. Йыш ҡына теләгенә ирешә лә. “Бер”ле ҡатын-ҡыҙға тормошта уға буйһонорға теләгән ир-атты табыуы ҡыйын.

Ике. Был кешеләр хыялланырға ярата, улар романтик. Йыш ҡына фәлсәфәүи уйҙарға биреләләр, ләкин тормошҡа еңел яйлаша беләләр. Улар ваҡ-төйәк нәмәлә башҡаларға юл бирә, ләкин төп маҡсаттарынан бер ваҡытта ла сигенмәй, шуға күрә бизнеста йыш ҡына уңышҡа өлгәшә. Улар тоғро, яңғыҙлыҡҡа сыҙай алмай һәм наҙ ярата.

Өс. Был һан эйәләре – хәрәкәтсән кешеләр. Улар яҡшы артист, ижад итергә ярата. Шул уҡ ваҡытта йомарт, киң күңелле, ләкин никахта бер төрлөлөккә сыҙай алмайҙар. Әгәр һөйгәнегеҙ “өс”лө хужаһы икән, уның өсөн йомаҡ булып ҡалығыҙ – ул һеҙҙе ташламаҫ.

Дүрт. Был һанлы кешеләр ышаныслы һәм ныҡ, улар хыянат итә белмәй. Тормошта ышаныслылыҡ менән тоғролоҡто барыһынан да өҫтөн күрәләр. Дөрөҫ, улар хискә бирелергә яратмай һәм никахта тыныс ҡына, хатта бер төрлөрәк йәшәй, шуға күрә уларға “өс”лө һан эйәләре менән ҡауышырға кәңәш ителмәй, сөнки тегеләре бик тиҙ туясаҡ. Уның ҡарауы етди, тоғро тормош иптәше эҙләүселәргә “дүртле”ләр – бына тигән пар.

Биш. Был – көслө, ләкин ҡаршылыҡлы натура. Бындай кешеләр ирек һәм төрлө тәжрибә ярата, бына тигән хеҙмәткәрҙәр. Әммә никахта улар менән йәшәүе еңел түгел: бер ниндәй сәбәпһеҙ “боҙолоп” китеүҙәре бар.

Алты. Был һан эйәләре кешене теләһә нимә менән дә ҡыҙыҡтыра һәм үҙҙәренә буйһондора белә. Уларҙың тормоштағы маҡсаты – ысын мөхәббәт табыу. Әммә икенсе яртыларына улар артыҡ талапсан. “Алты”лылар артыҡ нескә күңелле, уларҙы сығырҙан сығарыу бер ни тормай.

Ете. Был – бәхетле һан. Уның һан эйәһенә бәхет башҡаларға ҡарағанда күберәк килә. Әгәр һеҙҙең тормошта был улай түгел икән, тимәк, ниндәйҙер бер осраҡта дөрөҫ аҙым яһамағанһығыҙ. “Ете”леләр бәйһеҙ характерлы, бик мыштым кешеләр, ләкин улар хискә бирелеүсән. Бындай ир йәки ҡатын менән тормошта күңелһеҙ булмаҫ.

Һигеҙ. Хакимлыҡ символы. Уларҙың ихтыяр көсө ныҡ, улар дәртле, тәүәккәл һәм һәр нәмәлә аҙағынаса бара. Мөхәббәттәрен ауыр юлдар аша ғына эҙләп табалар, ләкин никахта ғүмер буйына тоғро ҡала.

Туғыҙ. Ғаләм символы. Бындай кешеләр саманан тыш хисле. Уларҙың күңелен йомшартыу бер ни тормай, башҡаларҙың ҡайғыһын күңелдәренә яҡын алалар. “Туғыҙ”лыларға уларҙы яратыу тураһында даими әйтеп торорға кәрәк. Уларҙы үҙеңә буйһондороу бик яйлы, тәүлек буйы эшләргә лә әҙерҙәр. Никахта ла батырлыҡ ҡылалар, ләкин уларға һәр ваҡыт наҙ талап ителә.

Читайте нас:

© 2024 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477

Телефон

(347)292-77-64

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, каб. 612