-19 °С
Болотло
Бөтә яңылыҡтар
Новости
14 Декабрь 2020, 01:00
Миләүшә Ҡыҙрасова. “Мөхәббәткә кәртә юҡ”
Урыҫтарҙың “Любви все возрасты покорны” тигәне ып-ысын икән. Мөхәббәт йәш һорамай тигәнгә мин дә инандым әле, сәстәремә сал төшөп, биттәрем йыйырсыҡланып, олпат ҡына баҫып атлап йөрөгән сағымда бер ғәййәр “егет” һөйөүен белдергәс. (сайтта)
Төн йоҡомдо осороп, йөрәгемде иләҫ-миләҫ иттереп, сәләм-хат килеп төштө. Тышлығындағы ҡып-ҡыҙыл йөрәкте күргәс тә, әллә ниндәй онотолған хис-тойғолар күңелде ҡытыҡлап, ирен ситтәрем йыбыр-йыбыр итеп ҡолағыма табан тартылды. Эске һиҙемләүем был сәләмдең ябай ғына түгелен, ниндәйҙер тылсымы бар икәнен иҫкәртте. Мин был кешене беләмдер, ул миңә битараф булмағандай, минең дә уға ҡарата йылы хистәрем барҙыр, тигән татлы уйҙар менән тәфсирләп бөкләнгән ҡағыҙҙы асып... яҙылған һүҙҙең мәғәнәһенә төшөнә алмайыраҡ торҙом әле. Миңә нәҡ ул һүҙҙе берәү ҙә, бер ҡасан да әйткәне юҡ... шикелле. Әллә әйтһәләр ҙә, онотолдомо икән?
Нисек кенә булмаһын, мөхәббәттән йәшәреп, күңелем илһамланып, һикертә баҫып атлап китерлек, көнө буйы йылмайып йөрөрлөк дәрт бирҙе шул кескенә ир кешенең йылы сәләме.
Шиғыры ла тыуҙы инде, тыумай буламы!
Инде сәстәрем салланып,
Олоғара төҫ кергәс,
Тәү күреүҙән ғашиҡ итте
Һөйкөмлө бер кешекәс.
Мин ул кешенең донъяға
Тыуғанын ишеткәс үк,
Тоҡанды мөхәббәт уты-
Һөйөүемдең сиге юҡ.
Беренсе күрешкәндә үк
Йылмайҙы ла ул миңә,
Әйләнде лә ҡуйҙы бит әй,
Иң ҡәҙерле кешемә.
Уйҙарым тик уның хаҡта-
Янамын да көйәмен,
Юҡ ҡына ҡылығына ла
Рәхәтләнеп көләмен.
Ә ул егетләнә белә,
Ике күҙе ут ҡына.
Минең яратҡанды белеп
Шаярта ул мут ҡына.
Уны яратыусылар күп,
Эй, шуларҙан ҡыҙғанам,
Оҙағыраҡ күрмәй торһам
Һағыш утында янам.
Бындай ҙа көслө һөйөүҙе
Бығаса кисермәнем.
Бер ҡосаҡлап үбер өсөн
Ул тиклем тилмермәнем.
Ә хәҙер күҙҙәрем тала
Килер юлына ҡарап.
Шундуҡ һағына башлайым
Ул ҡайтып китһә ҡабат.
Ҡарт көнөмдә (кем уйлаған?)
Ғашиҡ булырмын,тийеп,
Шул егетте көнө-төнө
Уйлап һулырмын тийеп.
Яратмайса мөмкин түгел,
Һеҙ мине кисерегеҙ...
Насип булып, һеҙ ҙә шулай
Бәхеттән иҫерегеҙ.
Ул минең тормош мәғәнәм,
Дәрт биргән яҡты йәнем.
Муйыл күҙле, шаян йөҙлө
Сая егет - ейәнем.
Читайте нас:
© 2025 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477
Телефон
(347)292-77-64
Электрон почта
Адресы
450079, Республика Башкортостан, г. Уфа, ул. 50-летия Октября, 13, каб. 612