-2 °С
Болотло
Бөтә яңылыҡтар
Новости
9 Декабрь 2020, 19:00
Сибай ҡалаһы “Сулпан” балалар театрында “Донъя бабай” исемле спектаклдең премьераһы үтте
Әйтеп үтеүебеҙсә, был проект республиканың театраль коллективтарының ижади проекттарын яҡлауға йүнәлтелгән Башҡортостан Республикаһы Башлығы гранты ярҙамында тормошҡа ашырылды.
7 декабрҙә “Сулпан” балалар театрында “Донъя бабай” исемле спектаклдең премьераһы үтте.
Әйтеп үтеүебеҙсә, был проект республиканың театраль коллективтарының ижади проекттарын яҡлауға йүнәлтелгән Башҡортостан Республикаһы Башлығы гранты ярҙамында тормошҡа ашырылды.
Башҡорт халыҡ ижады нигеҙендә яҙылған ғибрәти әкиәт республикала киң билдәле драматург Сәрүәр Суринаның пьесаһы буйынса әҙерләнһә, режиссер – Башҡортостандың атҡаҙанған сәнғәт эшмәкәре Рөстәм Хәкимов, композитор - Башҡортостандың атҡаҙанған сәнғәт эшмәкәре Илшат Яхин, хореограф - Башҡортостандың атҡаҙанған артисы Эльвира Дауытова, рәссамы – Сулпан Азаматова спектаклде бик мауыҡтырғыс, фәлсәфәүи ҡараш менән, юмор аша, заманса яңғырашлы итеп сәхнәләштереүгә ирештеләр.
Сибай концерт-театр берекмәһенең тегеү һәм художество-декорация цехтарында ҡыҫҡа ғына ваҡыт эсендә тормошҡа ашырылған костюмдар, декорациялар - барыһы ла сағыу, образлы.
Яңы сәхнә әҫәре балалар, өлкәндәр өсөн дә бик актуаль проблемаларҙы күтәреп сығара: ғаилә ҡиммәттәре, дөрөҫ тәрбиә биреү, ғаиләләге мөнәсәбәттәр, балалар менән аралашыу...
“Сулпан”дарҙың был әкиәте үҙ тамашасыһын табыр һәм республикала ғына түгел, сит төбәктәрҙә лә киң танылыу яулар тип ышанабыҙ.
Башҡортостандың мәҙәни донъяһы
Читайте нас:
© 2024 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477
Телефон
(347)292-77-64
Электрон почта
Адресы
450079, Республика Башкортостан, г. Уфа, ул. 50-летия Октября, 13, каб. 612