-6 °С
Ҡар
Бөтә яңылыҡтар
Новости
15 Ноябрь 2020, 10:05
ҠЫШҠЫ ТӘБИҒӘТ
Лира Хәбибуллина
Бигерәк һоҡланғыс була
Беҙҙә ҡышын тәбиғәт.
Аҡ ҡар ҡаплай бөтә ерҙе,
Саф һауа йәнгә рәхәт.
Һыуыҡта атлағанда, ҡар
Аҙым һайын шығырлай.
– Шәп атламаһаң, туңдырам, –
– Тигән кеүек шыбырлай.
Ағастарҙы ҡаплаған бәҫ
Ынйы кеүек ялтырай.
Халыҡ һынамыштарында
Бына нимә бәҫ юрай:
Төндә ағасҡа бәҫ төшһә,
Көндөҙ ҡояшлы булыр.
Әгәр ҡышын бәҫ күп булһа,
Йәйен ҡорт бал күп йыйыр.
Ҡышын һыуыҡ булһа, йәйен
Игендәр бик шәп уңыр.
Ә йондоҙло күк төндәрен
Көн һыуытыуға булыр.
Көн йылыға тартыр булһа,
Тоноҡ яна йондоҙҙар.
Болот та юлланып торһа,
Күп көттөрмәҫ аҡ ҡарҙар.
Лира Хәбибуллина
Новости партнеров