-14 °С
Болотло
75 лет Победы
Бөтә яңылыҡтар
Новости
14 Ноябрь 2020, 18:59

Йәшәү - үҙе бәхет

Фирүзә Абдуллина

Һаулыҡ - бәхет. Йәл, аңлайбыҙ быны
Шул һаулыҡты бөткәс юғалтып,
Бәхет - китеү фани донъяларҙан
Күберәк кешеләрҙе илатып.
Байлыҡ - бәхет. Нужа кисермәйсә,
Башҡаларға етһә ярҙамың,
Иман менән йәшәп, сама белһәң,
Хәләл булһа әгәр тапҡаның.
Ҡартлыҡ - бәхет. Хоҙай биргән ғүмер
Матур итеп йәшәп үтелһә,
Яҡындарың әгәр ҡәҙерләһә,
Рәхмәт-хөрмәт кенә көтөлһә.
Йәшәү - үҙе бәхет. Тик нишләптер
Кеше мәңге эҙләй, көрәшә...
Бәхет - һөйләшеп тә һүҙең бөтмәҫ
Яҡын кешең булыу йәнәшә.
Фирүзә Абдуллина
Читайте нас в