«Ғәйнә башҡорттары: телем, тарихым, халҡым» проекты тормошҡа ашырыла

Пермь крайы китапханаларына башҡорт телендә китаптар тапшырылды.

Пермь крайында Башҡортостан Республикаһы Башлығының сит төбәктәрҙә башҡорт телен үҫтереүгә йүнәлтелгән гранты ярҙамында «Ғәйнә башҡорттары: телем, тарихым, халҡым» проекты тормошҡа ашырыла. Пермь крайы башҡорттары ҡоролтайы тарафынан туған телдә бер нисә китап баҫтырылды. Улар араһында башҡорт теленең ғәйнә диалекты һүҙлеге, шағир Наил Ғәбдүшевтың ошо диалектта яҙылған шиғырҙар йыйынтығы, башҡорт телен республиканан ситтә уҡытҡан педагогтар өсөн методик әсбаптар, уҡыусылар өсөн башҡорт теленән эш дәфтәрҙәре тупланған. Башҡорт телендә китаптар төбәктең 51 китапханаһына тапшырыла, ти Пермь крайы башҡорттары ҡоролтайы рәйесе Рәсил Мөхәмәтйәнов.

Төбәктә шулай уҡ башҡорт йәкшәмбе мәктәбе асылды. Ул Ғабдулла Туҡай исемендәге Барҙа гимназияһы нигеҙендә ойошторолған. Дәрестәр уҙғарыуҙы ойоштороуҙа Тәтешле районынан педагогтар ҙур ярҙам күрһәтә.

Пермь крайында «Башҡорт йәкшәмбе мәктәбе» проекты дәүләт һәм туған телдәрҙе үҫтереү һәм һаҡлауға йүнәлтелгән Башҡортостан Башлығы Грантына тормошҡа ашырыла.

https://bash.news/bash

Читайте нас:

© 2024 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477

Телефон

(347)292-77-64

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, каб. 612