«Орнамент нимә тураһында йырлай?»

Башҡорт ҡурсаҡ театры 2021 йылға күсерелгән Бөтә донъя фольклориадаһы алдынан биш башҡорт легендаһы нигеҙендә спектакль әҙерләй.

Пьесаны күп тапҡыр башҡорт театрҙары менән эшләгән Өфө драматургы Владимир Аношкин яҙған. «Орнамент нимә тураһында йырлай?» спектакле — фәлсәфәүи йөкмәткеле.

«Әлеге ваҡытта теоретик яҡтан эшләйбеҙ – рәссам, композитор һәм режиссер, материалды өйрәнәбеҙ. Бер нисә мәртәбә артистар менән осраштыҡ. Рәссам спекталдең проектын әҙерләп бөтһә, худсовет була һәм шунан һуң спектаклгә тотонабыҙ. Материал бик ҙур, ҡатмарлы – башҡорт халҡының әкиәттәре, легендалары, риүәйәттәре. Уның нигеҙендә – биш ҙур легенда. Башҡорт халҡының мифологияһына сумып, мин, режиссер булараҡ, шунда йәшәйем, көн һайын шул хаҡта уйлайым», — тип һөйләне театр директоры Альберт Имаметдинов «Башҡортостан» ДТРК медиаүҙәгендә үткән матбуғат конференцияһында.

План буйынса «Орнамент нимә тураһында йырлай?» спектакле яңы йыл кампанияһына – ноябрь аҙағында-декабрь башында әҙер булырға тейеш, ләкин быйыл күп кенә проекттар күсерелде, шуға күрә был спектаклде сәхнәләштереү ваҡытының да үҙгәреүе ихтимал.

Хәтерегеҙгә төшөрәбеҙ, «Берҙәм Рәсәй»ҙең «Театрҙар – балаларға» проекты сиктәрендә Башҡорт дәүләт ҡурсаҡ театрына 7,7 миллион һум бүленде.

https://www.bashinform.ru/news/1498164-bashkirskiy-teatr-kukol-gotovit-bolshuyu-postanovku-na-osnove-bashkirskikh-skazaniy-i-legend/

Ләйлә Аралбаева

Теги: театр

Читайте нас:

© 2024 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477

Телефон

(347)292-77-64

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, каб. 612