"Мәктәптә уҡығанда минең бөтә дәфтәрҙәрем абстракционизм стилендәге һүрәттәр менән сыбарлана ине. Был минең яратҡан шөғөлөм булды. Шулай уҡ бик етди рәүештә милли көрәш менән дә шөғөлләндем. Ә ял көндәрендә район үҙәгенә Альфред Яҡшымбәтов етәкселегендәге репетицияларға йөрөй инем.Тимәк, мин рәссам, ә бәлки спортсы ла була алыр инем. Әммә ниндәйҙер бер миҙгелдә сәхнә мине арбап алды һәм әлегә тиклем үҙенән ебәрмәй. Мин быға ҡаршы ла түгелмен". Рөстәм Ғиззәтуллиндың социаль селтәрҙәрҙәге сәхифәһенән.