Ҡазанда Мостай Кәримгә һәйкәл асылды

Татарстандың баш ҡалаһында башҡорт һәм татар әҙәбиәтенең классигы Мостай Кәримгә һәйкәлде асыу рәсми тантанаһы үтте. Скульптураны Мәскәү рәссамы Андрей Ковальчук эшләне. Ул шулай уҡ шағирҙың Өфөләге һәйкәленең авторы.

Тантанала Башҡортостан һәм Татарстандың башлыҡтары Радий Хәбиров һәм Рөстәм Миңлеханов ҡатнашты. һәйкәлде асыу ТАССР-ҙың 100 йыллығына арналған саралар сиктәрендә үтте.

Скульптура шағирҙы Урал тауҙары буйында ултырған килеш кәүҙәләндерә. Һәйкәл Ырымбур тракты менән Даур һәйкәле урамдары киҫешкән ерҙә урынлашҡан.

Мостай Кәримгә Ҡазанда һәйкәл ҡуйыу тураһында былтыр, Башҡортостанда Татарстан көндәре үткәргән ваҡытта, "Нур" татар театры янында Ғабдулла Туҡайға һәйкәл асҡанда хәл ителә.

Татарстан Республикаһы Президенты Указы менән Башҡортостан Республикаһы Башлығы Радий Хәбиров Татарстан менән Башҡортостан Республикалары араһында хеҙмәттәшлекте үҫтереүгә, халыҡтар дуҫлығын нығытыуға ҙур өлөш индергәне өсөн "Татар Автономия Совет Социалистик Республикаһы ойошторолоуына 100 йыл" миҙалы менән бүләкләнде.

Башҡортостан Башлығы Халыҡтар дуҫлығы ордены менән - Рәсәй рәссамдар союзы рәйесе Андрей Ковальчукты, Салауат Юлаев ордены менән - шағир Ренат Харисовты, Башҡортостан Республикаһы Почет грамотаһы менән - Ҡазан ҡалаһы хакимиәт башлығы Илсур Метшинды һәм "Эталон" төҙөлөш компанияһы" ЯСЙ директоры Андрей Закамскийҙы бүләкләне.

Фотолар: «БИЗНЕС Online».

Башҡортостандың мәҙәни донъяһы

Читайте нас:

© 2024 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477

Телефон

(347)292-77-64

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, каб. 612