Мәктәптә бер шаян малай булдым инде. Теүәл фәндәрҙе яратманым. Бәләкәйҙән спорт менән шөғөлләндем. Айырыуса теннисты яраттым. Был спорт төрө менән бер 5-6 йыл ныҡлы шөғөлләнгәндән һуң аҙаҡ ташларға тура килде. Сөнки ҙур спортҡа барыу өсөн яҡшы шарттары булған ҙур ҡалаларҙа шөғөлләнергә кәрәк. Мәҫәлән, Мәскәүҙә.Ата-әсәйем сәнғәт кешеләре булғас, миңә яҡын – сәнғәтте һайланым.