«Заманса башҡорт операһы лабораторияһы» заявкалар ҡабул итә

20 июлдән «Заманса башҡорт операһы лабораторияһы» Композиторҙар һәм либретто авторҙары категориялары буйынса ҡатнашыу өсөн заявкалар ҡабул итә. Либретто яҙыусылар - 8 сентябргә, композиторҙар 30 октябргә тиклем заявка ебәрә ала.

Башҡорт дәүләт опера һәм балет театры директоры Ильмар Әлмөхәмәтов: “Был үҙенсәлекле проект. 6 июлдә старт алып, ул бер миҙгел буйына тиерлек дауам итәсәк һәм бер нисә этаптан торасаҡ. Опера либреттоһын яҙыу буйынса махсус дәрестәр үткәреү проекты ғәҙәти түгел икәнен дәлилләй. Рәсәйҙә бындай хәл булғаны юҡ әле. Ҡатнашыусылар билдәле театр эшмәкәрҙәренән оҫталыҡ дәрестәре аласаҡ, уларҙан ҡиммәтле кәңәштәр ишетәсәк. Иң яҡшы либретто донъя күрергә мөмкинселек аласаҡ”, - тип белдерҙе.

Театрҙың художество етәксеһе Асҡар Абдразаҡов та проекты хупланы: “Миңә, опера йырсыһы һәм театрҙың художество етәксеһе булараҡ, был проект бик әһәмиәтле. Был театрҙың репертуарын яңы спектакль менән байытыу ҙа, заманса музыка менән эшләү ҙә, труппаның авторҙар менән аралашыуы ла. Шулай уҡ башҡорт телендә яңы опера әҫәрҙәре тыуыуы – республика сәнғәт үҫеше өсөн генә түгел, беҙҙең төбәктең тотош мәҙәниәте өсөн мөһим. Кесе Ватаныбыҙҙың туған теле һаҡланып ҡына ҡалырға түгел, ә үҫешергә лә тейеш. Яңы опера әҫәрҙәре быға булышлыҡ итәсәк. Мин йырсы булараҡ, яңы опера әҫәрен ишетергә, ә бәлки башҡарырға ла теләйем”.

Ҡатнашырға теләүселәр тулыраҡ мәғлүмәт менән театр сайтында Лаборатория тураһында ҡағиҙәлә таныша ала.

Башҡортостандың мәҙәни донъяһы

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде

© 2024 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477

Телефон

(347)292-77-64

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, каб. 612